હળવદ શહેરમાં એક્સપાયરી ડેટવાળી ચીજવસ્તુઓ વેચવા મામલે જવાબદાર તંત્રએ એકાબીજાને ખો આપી છે. જેમાં વાત કરવામાં આવે તો છેલ્લ ા ચારેક દિવસોથી સમાચાર પત્રોમાં  લક્ષ્મી ટ્રેડર્સમાં એક્સપાયરી તારીખવાળી કોસ્મેટીક તેમજ ખાણીપીણીની ચીજવસ્તુઓ વેચાણ થતું હોવાનો અહેવાલ પ્રસારીત થયા છે. ત્યારે છેલ્લ ા ચારેક દિવસથી ચાલી રહેલા સમાચારથી પણ તંત્રનું પેટનું પાણી હલ્યું નથી દુકાનોમાં લક્ષ્મી ટ્રેડર્સ જેવી જ અનેક દુકાનોમાં કોસ્મેટીક તેમજ ખાણીપીણીની ચીજવસ્તુઓ એક્સપાયરી થઈ ગયેલી વેચાઈ છે. ત્યારે આજે કોસ્મેટીક વિભાગના અધિકારીઓ અને ફુડ એન્ડ ડ્રગ્સ વિભાગના અધિકારીઓ સાથે સંપર્ક કરતા તેઓએ કોસ્મેટીક વિભાગના અધિકારીઓને ખો આપી તેમજ કોસ્મેટીક વિભાગના અધિકારીઓએ ફુડ એન્ડ ડ્રગ્સ વિભાગના અધિકારીઓને ખો આપી હતી. આમ તંત્રની મિલિભગતથી હળવદમાં એક્સપાયરી ડેટવાળી ચીજવસ્તુઓનું ધૂમ વેચાણ થાય છે અને સોશિયલ મીડિયા પર એકસાથે એક ફ્રી તેવી જાહેરાત પણ કરાઈ છે. ત્યારે જવાબદાર તંત્રની નૈતિકતા મરી પરવારી છે કે શું? તેવા સવાલ ઉઠી રહ્યા છે.