કુવાડવા ગામે માસીસાઈ ભાઈના લગ્નના માંડવાના દાંડિયામાંથી ઘરે જઈ રહેલા બંધુઓ બેડી નજીક ભગવતીપરા તરફ જવાના રસ્તે લઘુશંકા કરવા ઉભા હતા ત્યારે ઍક્સેસમાં આવેલા ત્રણ શખ્સોએ જે કાંઈ હોય એ આપી દેવાનું કહી પાઇપથી આડેધડ મારમારી બંનેના પગ ભાગી નાખતા સારવાર માટે સિવિલ હોસ્પિટલમાં ખસેડવામાં આવ્યા છે. ઘવાયેલા યુવકએ પોતાનો સાડા ત્રણ તોલાનો ચેઇન લૂંટી ગયાનો આક્ષેપ કરતા પોલીસે તપાસ હાથ ધરી છે.
પ્રાપ્ત વિગત મુજબ પોપટપરા જેલ પાછળ 53 ક્વાર્ટરમાં રહેતા અને સોની બજારમાં મોમાઈ પાન નામની દુકાન ધરાવતા અમિત કિશોરભાઈ સોલંકી (ઉ.વ.28) અને તેનો નાનો ભાઈ સુનિલ (ઉ.વ.24) બંને બુલેટ લઈ કુવાડવાથી ઘરે જતા હતા ત્યારે બેડી નજીક ભગવતી પરા તરફ જવાના રસ્તે લઘુશંકા કરવા બુલેટ ઉભું રાખ્યું હોય દરમિયાન એક્સેસમાં આવેલા ત્રણ અજાણ્યા શખસો જે એક બીજાના નામ જાવલો, લખન અને અશ્વિન બોલાવતા હતા આ ત્રણેય શખ્સોએ આવી જે કાંઈ હોય એ આપી દેવાનું કહેતા બંનેભાઈઓએ કાંઈ ન હોવાનું કહી તિરસ્કાર કરતા ત્રણેય શખ્સોએ પાઇપ વડે બંને ભાઈઓને આડેધડ મારમારી નાસી ગયા હતા. ઘવાયેલા યુવકએ ફોન કરી પિતાને જાણ કરતા પરિવારજનો દોડી આવ્યા હતા અને બંનેને સારવાર માટે સિવિલ હોસ્પિટલએ ખસેડવામાં આવ્યા હતા. બનાવ અંગે હોસ્પિટલ ચોકીના સ્ટાફે બી ડિવિઝન પોલીસને જાણ કરી હતી. બંને યુવકોમાં અમિતના બંને પગમાં અને સુનીલના એક પગમાં ફેક્ચર હોવાનું નિદાન થતા દાખલ કરવામાં આવ્યા હતા. અમિતએ પોતાનો સાડા ત્રણ તોલાનો ચેન લૂંટી ગયાનું આક્ષેપ કરતા પોલીસે આગળની કાર્યવાહી હાથ ધરી છે. બંને યુવક કુવાડવા ગામે માસીયાઈ ભાઈ રોહિતના લગ્ન હોવાથી રાત્રીના માંડવા અને દાંડિયા રાખ્યા હતા ત્યાં ગયા હતા અને ત્યાંથી રાત્રે અઢી વાગ્યે ઘરે પરત ફરતી વખતે બનાવ બન્યો હતો. આક્ષેપો અંગે પોલીસે તપાસ હાથ ધરી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાજસ્થાન: અત્યાર સુધીમાં 30 પાકિસ્તાની ડ્રોન તોડી પડાયા, બાડમેરમાં રેડ એલર્ટ
May 09, 2025 10:35 PMપાકિસ્તાની ડ્રોનથી ફિરોઝપુરમાં એક પરિવાર ઘાયલ, સારવાર માટે હોસ્પિટલમાં ખસેડાયા
May 09, 2025 10:19 PMCopyright © 2023-2024 Aajkaal Daily
Developed by Rhythm Infotech