દેવભૂમિ દ્વારકા જિલ્લામાં જુગાર અંગે ત્રણ સ્થળે દરોડાઃ દશ ઝડપાયા

April 23, 2025 11:25 AM

ખંભાળિયા, દ્વારકા તાલુકામાં જુગારના દરોડામાં મહિલાઓ સહિત 11 હજારનો મુદ્દામાલ ઝબ્બે

દ્વારકાથી આશરે 10 કિલોમીટર દૂર મકનપુર ગામના વાડી વિસ્તારમાં આવેલા એક મંદિર નજીકથી પોલીસે જાહેરમાં તીનપત્તી નામનો જુગાર રમી રહેલા દોલુભા રાયમલભા માણેક, ખીમા દેવા વારસાખીયા, બાલુ રણછોડ ચૌહાણ અને ભાવેશ રામભાઈ સાગઠીયાને ઝડપી લઈ, કુલ રૂપિયા 11,240 નો મુદ્દામાલ કબજે કરીને જુગારધારાની કલમ હેઠળ કાર્યવાહી કરી હતી.

મીઠાપુરમાં રેલવે સ્ટેશન વિસ્તારમાંથી પોલીસે ગંજીપાના વડે જુગાર રમતા ગીતાબેન ભરતભાઈ કાંજીયા, બીજલીબેન અજીતભાઈ ગોફને, ભરત અશોકભાઈ કાંજીયા અને અજય મનોજભાઈ ગોફને નામના ચાર વ્યક્તિઓને મુદ્દામાલ સાથે ઝડપી લીધા હતા.

ખંભાળિયામાં કલ્યાણબાગ સોસાયટી વિસ્તારમાંથી પોલીસે અજીત આમદ નાયાણી અને સંદીપ ગોવિંદભાઈ સાલાણી નામના બે શખ્સોને ચલણી નોટોના નંબર ઉપર એકી-બેકીનો જુગાર રમતા મુદ્દામાલ સાથે ઝડપી લીધા હતા.

મૂળવાસરનો શખ્સ વિદેશી દારૂના જથ્થા સાથે ઝડપાયો

ઓખા મંડળના દ્વારકા તાબેના મૂળવાસર ગામના વાડી વિસ્તારમાં રહેતા મુકેશભા ચંપાભા માણેક નામના 30 વર્ષના શખ્સને પોલીસે આરંભડા - નાગેશ્વર રોડ પરથી વિદેશી દારૂની નવ બોટલ સાથે ઝડપી લઇ, કુલ રૂપિયા 6,083 નો મુદ્દામાલ કબજે કર્યો હતો. જે અંગે તેની સામે પ્રોહિ. એક્ટ હેઠળ મીઠાપુર પોલીસ મથકમાં ગુનો નોંધાયો છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application