ભાવનગર લોકલ ક્રાઈમબ્રાન્ચની ટીમે ચોક્કસ બાતમી આધારે શહેરના કુંભારવાડા વિસ્તારમાંથી રીક્ષા ચોરી કરતી ગેંગનો પર્દાફાશ કર્યો છે આ ગેંગ પાસેથી પાંચ રીક્ષા અને એક સ્કૂટર મળી કુલ છ વાહનો કબ્જે કર્યાં છે.

આ બનાવ અંગે જાણવા મળતી માહિતી અનુસાર એલસીબીની ટીમ શહેરના વિવિધ વિસ્તારોમાં પેટ્રોલીંગમા હોય એ દરમ્યાન ચોક્કસ બાતમી મળી હતી કે, કુંભારવાડાના માઢીયા રોડપર રહેતા સોહિલ ઉર્ફે લંબુ સત્તાર બુખારી (ઉ.વ.૨૦ રહે.શેરીનં-૮ ક્વાર્ટર નં-૨૭ માઢીયારોડ કુંભારવાડા) પાસે શંકાસ્પદ વાહનો છે જે હકીકત આધારે ટીમે બાતમી વાળા સ્થળે રેડ કરતા સોહિલ સાથે સ્થળપરથી મોહસીન ઈબ્રાહીમ વ્હોરા (ઉ.વ.૩૭ રહે.મિલ્તનગર સોસાયટી સાંઈનાથ રોડ પેટલાદ-આણંદ) તથા વિંદાકુંવર કરીનાકુંવર ઉર્ફે કૌશિક શાંતિલાલ ઉનાગર (ઉ.વ.૨૧ રહે.મૂળ ૪૦૩ વાસુ એપાર્ટમેન્ટ વિભાગ-૨ મગરનગર કતારગામ સુરત હાલ શેરીનં-૫ માઢીયારોડ કુંભારવાડા) મળી આવેલ સાથોસાથ સ્થળપરથી ૫ રીક્ષા તથા એક સ્કૂટર મળી આવતા પોલીસે આ વાહનોના દસ્તાવેજ-આધાર-પુરાવા ચકાસણી માટે માંગતા ત્રણેય વ્યક્તિ ઓ પૈકી એકપણ વ્યક્તિ સંતોષકારક જવાબ ન આપી શકતા આરોપીઓને પોલીસ મથકે લાવી સઘન પુછપરછ કરતાં આરોપીઓએ કબૂલાત કરી હતી કે રીક્ષા શહેરના અલગ અલગ વિસ્તારોમાંથી તથા સુરત શહેરમાથી ચોરી કરી લાવ્યા હોવાનું જણાવ્યું હતું. અને સ્કૂટર પણ ચોરાવ હોવાનું જણાવ્યું હતું આથી પોલીસે પાંચ રીક્ષા તથા એક સ્કૂટર મળી કુલ રૂપિયા ૭,૭૫,૦૦૦ ની કિંમતના છ વાહનો કબ્જે કરી સુરત તથા ભાવનગર શહેરમાં થયેલ રીક્ષા ચોરીના બનાવોના ભેદ ઉકેલી આરોપીઓને મુદ્દામાલ સાથે બોરતળાવ પોલીસને હવાલે કરી ગુનો દાખલ કરી વધુ તપાસ હાથ ધરી છે.