બનાસકાંઠા જિલ્લાની અમીરગઢ ચેકપોસ્ટ પર ચેકિંગ દરમ્યાન જામનગર પાસિંગની એક ક્રેટા કારમાંથી ૧ કિલોથી વધુ મેથાએમ્ફેટામાઈન નામનું ડ્રગ્સ ઝડપાતા ચકચાર મચી છે. ૧ કરોડથી વધુની કિંમતના ડ્રગ્સ સાથે ઝડપાયેલા ત્રણેય લોકો જામનગરના હોવાનું સામે આવ્યું છે. ડ્રગ્સનો આ જથ્થો કોને આપવાનો હતો તેને લઇ પોલીસ દ્રારા હાલ ત્રણેયની પૂછપરછ કરવામાં આવી રહી છે.
લોકસભા ચૂંટણીના પગલે બનાસકાંઠા જિલ્લાની અન્ય રાયને જોડતી ચેકપોસ્ટ પર ચેકિંગ વધારી દેવામાં આવ્યું છે. બનાસકાંઠા જિલ્લામાં હાલ બે કાયમી ચેકપોસ્ટ ઉપરાંત ચાર હંગામી ચેકપોસ્ટ ઉભી કરવામાં આવી છે. અમીરગઢ ચેકપોસ્ટ પર પોલીસ ચેકિંગ કરી રહી હતી ત્યારે રાજસ્થાન તરફથી આવી રહેલી જામનગર પાસિંગની જી.જે.૧૦.ડી.જે.૩૪૪૮ નંબરની ક્રેટા કારની તલાશી લેતા તેમાંથી ૧૦૭૨ ગ્રામ મેથાએમ્ફેટામાઇન (એમ.ડી) નામનું ડ્રગ્સ મળી આવ્યું હતું.
જામનગર પાસિંગની ક્રેટા કારમાંથી ડ્રગ્સ સાથે જે ત્રણ શખ્સો ઝડપાયેલા છે તેઓના નામ ઇસરાક આરિફ બ્લોચ (રહે. કાલાવડ નાકા બહાર, શેરી નં.૦૨, અમન સોસાયટી, શાહ પંપની સામે, જામનગર), સોહીલ ઓસમાણ સંધી (રહે.નદીપા રોડ, ત્રણ દરવાજા નજીક, જામનગર) અને અસલમ અબ્દુલસત્તાર દરજાદા (રહે. સિલ્વર સોસાયટી, ખોજાગેટ નાકા પાસે, જામનગર)ની અટકાયત કરી હતી.
પોલીસે આ મામલે આરોપીઓ ઇસરાક આરિફ બ્લોચ, સોહીલ ઓસમાણ સંધી અને અસલમ અબ્દુલસત્તાર દરજાદા વિધ્ધ એન.ડી.પી.એસ એકટની કલમ ૮ (સી), ૨૧ (સી) અને ૨૯ મુજબ ગુનો દાખલ કરી કાયદેસરની કાર્યવાહી હાથ ધરી છે. આરોપીઓ આ ડ્રગ્સનો જથ્થો કોને આપવાના હતા તે દિશામાં પણ તપાસ હાથ ધરવામાં આવી છે. પકડાયેલ શખ્સોની જાણ જામનગર પોલીસને પણ કરવામાં આવી છે.
પકડાયેલ શખ્સોની અંગજડતી કરતા આરોપી ડ્રાઇવર ઇસરાક પાસેથી ૧૩ હજારની રોકડ અને ૧ આઇફોન, સાહીલ પાસેથી રોકડા ૩૪૦૦ અને ફોન, અસલમ પાસેથી રોકડા ૩ હજાર અને ૧ મોબાઇલ અને કાર્ડ તથા હોટલની એડવાન્સ રીસીપ્ટ મળી આવી હતી આમ રોકડા, મોબાઇલ અને એમડી ડ્રગ્સનો જથ્થો તેમજ કાર મળી કુલ ૧.૧૬.૪૯.૪૦૦નો મુદામાલ કબ્જે કર્યેા હતો, માદક પદાર્થ એમડીનો જથ્થો મુંબઇના અમનભાઇ નામના શખ્સે આપ્યો હોવાનું સામે આવ્યું છે.
જામનગરનો ઇસરાક ડ્રગ્સ રેકેટનો માસ્ટર માઇન્ડ હોવાનું સામે આવ્યુ છે, જેણે તેના મિત્ર જામનગરના સરફરાજની કાર અજમેર દર્શન કરવા માટે લઇ જવા માટે માંગી હતી, જે કાર લઇ સોહીલ સાથે વાપી ગયો હતો અને જયાથી ડ્રગ્સ લઇને અસલમને જામનગરથી કપડા લઇ અમદાવાદ બોલાવવામાં આવ્યો હતો જયાથી ત્રણેય કાર લઇ અજમેર ગયા હતા અને ડ્રગ્સ વહેચી કમીશન માટેની ચર્ચા કરી હતી
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationસિલ્કી સોફ્ટ હેર માટે આ રીતે ઘરે જ બનાવો નેચરલ કંડિશનર
July 07, 2024 11:58 PMચહેરા પર આ રીતે કેળાની છાલનો કરો ઉપયોગ, નિસ્તેજ ત્વચામાં આવશે નિખાર
July 07, 2024 11:58 PMઝડપથી ઘટી રહ્યું છે પૃથ્વીનું પાણી, માત્ર આટલા સમયમાં 450 ઘન કિલોમીટર ભૂગર્ભજળ ઘટ્યું !
July 07, 2024 11:57 PMજાણો કોણ છે મુંબઈમાં BMW વડે મહિલાને ઉડાવી દેનાર મિહિર શાહ ?
July 07, 2024 11:54 PMએશિયા કપ 2024 માટે ટીમ ઈન્ડિયાની જાહેરાત, આ 15 ખેલાડીઓને મળ્યું સ્થાન
July 07, 2024 11:53 PMCopyright © 2023-2024 Aajkaal Daily
Developed by Rhythm Infotech