તા.૧૩થી ૧પ સુધી રજાના આદેશ કરતાં જિલ્લા કલેકટર: શિક્ષકગણને હાજર રહેવા સૂચના

જામનગર શહેર અને જિલ્લામાં આવેલી જુદી જુદી શાળા કોલેજોમાં વહીવટી તંત્ર દ્વારા આજથી ત્રણ દિવસ માટેની રજા જાહેર કરી દેવામાં આવી છે. સંભવિત વાવાઝોડાના પગલે નગર પ્રાથમિક શિક્ષણ સમિતિ હસ્તકની શાળાઓમાં અને જિલ્લા પંચાયત હસ્તકની શાળાઓમાં અગાઉ સ્થાનિક લેવલે રજાઓ જાહેર કરાઈ હતી અને શિક્ષકગણે હાજર રહેવા તેમજ જરુર જણાય તકેદારીના પગલાં લઈને આશ્રય સ્થાનો તરીકે શાળા બિલ્ડિંગનો ઉપયોગ કરવાની સૂચનાઓ આપી હતી. દરમિયાન જિલ્લા કલેકટર દ્વારા આગામી તા.૧૩થી ૧પ ત્રણ દિવસ શાળા-કૉલેજોમાં રજાઓ જાહેર કરવામાં આવી છે.
જામનગર શહેર અને જિલ્લામાં સંભવિત વાવાઝોડાના પગલે સલામતીના ભાગરૂપે જામનગરના જિલ્લા કલેકટર બી.એ.શાહ દ્વારા તમામ શાળા કોલેજો માં રજા રાખવા માટેના આદેશો કરાયા છે, અને તારીખ ૧૩ જુન થી ૧૫ જૂન એમ ત્રણ દિવસ માટેની રજા જાહેર કરી છે. શહેરની સરકારી તેમજ ખાનગી શાળા કોલેજોમાં રજા રાખવા માટેના આદેશો કરી દેવાય પછી જે અંગેની તમામ શાળાઓમાં જાણ કરી દેવાઇ છે. જોકે શિક્ષક ગણને હાજર રહેવા પણ અનુરોધ કરાયો છે.