ઉંદરોના કારણે એટલો પરેશાન છે આ દેશ કે આખા ટાપુને બોમ્બથી ઉડાવી દેવા તૈયાર!

કોઈ દેશ અન્ય દેશ કે ટાપુ પર ત્યારે હુમલો કરે છે જ્યારે તે પોતે જોખમમાં હોય છે. હુમલાખોર સામેના દેશ કે ટાપુને નષ્ટ કરી દે છે, પરંતુ આ દિવસોમાં એક અલગ જ કિસ્સો સામે આવ્યો છે. જ્યાં એક દેશ એક ટાપુ પર બોમ્બ ફેંકવા જઈ રહ્યો છે. કારણકે આ દેશ તેના ટાપુ પર રહેતા ઉંદરોથી પરેશાન છે. સરળ શબ્દોમાં કહીએ તો આ બોમ્બ ધડાકાનો હેતુ ટાપુને ઉંદરોથી મુક્ત કરવાનો છે.

આ વાત આફ્રિકાની છે, જેનું પોતાનું દૂરસ્થ ટાપુ છે જે મેરિઅન કેપ ટાઉનથી લગભગ 2,000 કિલોમીટર દૂર છે. આફ્રિકા આ ટાપુ પર બોમ્બ ફેંકવાની તૈયારી કરી રહ્યું છે. આ બોમ્બ ધડાકાનો હેતુ એ છે કે દરિયાઈ પક્ષીઓ, ખાસ કરીને અલ્બાટ્રોસ જે  ઉંદરોનો શિકાર બની રહ્યા છે. વિશ્વ આ મિશનને માઉસ-ફ્રી મેરિયન પ્રોજેક્ટના નામથી ઓળખે છે અને તે આ પક્ષીઓના સંરક્ષણ માટે જ કરવામાં આવી રહ્યું છે.

રિપોર્ટ અનુસાર 2027ના શિયાળામાં ઉંદરો પર હુમલો કરવાની યોજના છે. આ સમય એટલે પસંદ કરવામાં આવ્યો છે કારણકે આ સમયે તેઓ સૌથી વધુ ભૂખ્યા હોય છે અને આ સમયે આ પક્ષીઓ પ્રજનન માટે ટાપુ છોડી દે છે. નિષ્ણાતોના મતે આ યોજના ત્યારે જ સફળ થઈ શકે છે જ્યારે 25 કિલોમીટર લાંબા અને 17 કિલોમીટર પહોળા ટાપુના દરેક ઈંચને આવરી લેવામાં આવે. આ પ્રોજેક્ટ માટે, હેલિકોપ્ટર સમગ્ર ટાપુ પર ઉંદરના ઝેર ધરાવતી 600 ટન ગોળીઓ ફેલાવવા અને પછી તેને બોમ્બથી વિસ્ફોટ કરવા માટે તૈયાર કરવામાં આવશે.

જો કે હજુ સુધી આ માટેના ફંડની વ્યવસ્થા કરવામાં આવી નથી પરંતુ જરૂરી રકમના ચોથા ભાગની રકમ એટલે કે 2 અબજ રૂપિયા 43 કરોડ 37 લાખ 64 હજાર રૂપિયા એકત્ર થઈ ગયા છે અને જ્યારે સમય આવશે ત્યારે બાકીની રકમની પણ વ્યવસ્થા કરવામાં આવશે. બર્ડલાઈફ સાઉથ આફ્રિકાની બેઠકમાં આ યોજના બનાવવામાં આવી હતી. જ્યારે સંરક્ષણવાદી માર્ક એન્ડરસન કહે છે કે, આપણે એ છેલ્લા ઉંદરથી કોઈપણ ભોગે છુટકારો મેળવવો પડશે. કારણકે જો કોઈ નર કે માદા બચી જશે તો તેઓ ફરીથી તેમની વસ્તીમાં વધારો કરશે. આ ટાપુ ખાસ છે કારણકે અહીં ઘણા દરિયાઈ પક્ષીઓ માળો બાંધે છે. જેમાં અલ્બાટ્રોસનો પણ સમાવેશ થાય છે અને ઉંદરોના કારણે તેમની સંખ્યા જોખમમાં મુકાઈ રહી છે.