કેન્સર એક એવો ભયંકર રોગ છે કે તેના નામથી જ બધા ડરી જાય છે. શરીરની અંદર કોષોની અનિયંત્રિત વૃદ્ધિને કારણે કેન્સર થાય છે. જ્યારે કોઈપણ ભાગમાં કોષો અનિયંત્રિત રીતે વધવા લાગે છે ત્યારે કેન્સર થવાનું શરૂ થાય છે. મોટાભાગના કેસોમાં કેન્સરના લક્ષણો ખૂબ જ મોડેથી જોવા મળતા હોવાથી દર્દીનો જીવ બચાવવો મુશ્કેલ બની જાય છે પરંતુ આજે તમામ પ્રકારના કેન્સરને ઓળખવું ખૂબ જ સરળ બની ગયું છે. ટેસ્ટની મદદથી તે ભાગની કોશિકાઓની રચના જાણી શકાય છે, જેનાથી અનુમાન લગાવવું સરળ બને છે કે શરીરના તે ભાગમાં કેન્સર હશે કે નહીં.
મગજના કેન્સર માટે નવો બ્લડ ટેસ્ટ
મગજના કેન્સરના કિસ્સામાં પણ આવું જ બન્યું છે. જ્યાં ટેસ્ટની મદદથી મગજના કોષોના વિકાસ પર નજર રાખવી સરળ બનશે અને આ માત્ર એક બ્લડ ટેસ્ટની મદદથી થશે. આ ટેસ્ટને કારણે મગજના કેન્સરને એક કલાકમાં શોધી શકાય છે. જે તેના નિવારણ અને સારવારમાં ખૂબ મદદરૂપ થશે.
અમેરિકામાં મગજના કેન્સર પર સંશોધન
આ ટેસ્ટ અમેરિકાની નોટ્રે ડેમ યુનિવર્સિટીના સંશોધકોની ટીમે વર્ષોની મહેનત પછી શોધી કાઢ્યો છે. જેમાં તેમણે બ્લડ ટેસ્ટનું એક એવું ઉપકરણ તૈયાર કર્યું છે જેની મદદથી એક જ ટેસ્ટની મદદથી મગજના કેન્સરને ઓળખવામાં સરળતા રહેશે. . આ ઉપકરણ મગજના કેન્સરનો સૌથી ખતરનાક પ્રકાર, જે દર વર્ષે વિશ્વભરમાં લાખો મૃત્યુનું કારણ બને છે, ગ્લિઓબ્લાસ્ટોમાની વહેલી તપાસ માટે બનાવવામાં આવ્યું છે. આ સાધનની મદદથી લોહીના ખૂબ જ નાના નમૂનામાંથી તેના લક્ષણો એક કલાકમાં ઓળખી શકાય છે.
ગ્લિઓબ્લાસ્ટોમા એ ખૂબ જ ખતરનાક મગજનું કેન્સર
ગ્લિઓબ્લાસ્ટોમા મગજના કેન્સરનો સૌથી ખતરનાક અને જીવલેણ પ્રકાર માનવામાં આવે છે. આ કેન્સરની તપાસ પછી દર્દી ફક્ત 12-18 મહિના સુધી જ જીવિત રહે છે. અત્યાર સુધી આ કેન્સરને ઓળખવા માટે બાયોપ્સી કરવામાં આવતી હતી જેમાં ગાંઠમાંથી ટીશ્યુ સેમ્પલ લેવામાં આવતા હતા અને તેની તપાસ કરવામાં આવતી હતી પરંતુ આ બ્લડ ટેસ્ટ આ કેન્સરને ઓળખવામાં મહત્વની ભૂમિકા ભજવી શકે છે.
બાયોચિપની મદદથી ટેસ્ટિંગ કરવામાં આવશે
આ સાધનોમાં નાની બાયોચિપની મદદથી ટેસ્ટિંગ કરવામાં આવે છે. આ ચિપમાં પરીક્ષણ ઇલેક્ટ્રો-કાઇનેટિક સેન્સરનો ઉપયોગ કરવામાં આવે છે. સેન્સર શોધી કાઢે છે કે કોષોમાં કેન્સર-સંબંધિત બાયોમાર્કર્સ છે કે જે એપિડર્મલ ગ્રોથ ફેક્ટર રીસેપ્ટર્સ તરીકે ઓળખાય છે. સંશોધકોનો દાવો છે કે આ ઉપકરણની ચોકસાઈ ઘણી વધારે છે અને ભવિષ્યમાં તે મગજના કેન્સરને શોધવામાં મોટી ભૂમિકા ભજવશે. તેમજ વહેલી તપાસની મદદથી દર્દીનો જીવ બચાવવો પહેલા કરતા વધુ સરળ બની જશે. તેઓ એવી પણ આશા રાખે છે કે આ ઉપકરણનો ઉપયોગ અન્ય કેન્સર, કાર્ડિયોવેસ્ક્યુલર રોગ, ડીમેંશિયા અને એપીલેપ્સી શોધવામાં પણ ઉપયોગી સાબિત થશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમોદી સરકાર નક્સલવાદ સામે મોટા ઓપરેશનની કરી રહી છે તૈયારી, અમિત શાહ દિલ્હીમાં બનાવશે માસ્ટર પ્લાન
October 05, 2024 08:16 PMNobel Prize 2024: આવતા અઠવાડિયે નોબેલ પુરસ્કારની થશે જાહેરાત, જાણો કોનું થશે સન્માન...
October 05, 2024 08:15 PMએક સાથે પંદર હોમગાર્ડઝ સભ્યોને ફરજ મોકૂફ અને એક સભ્યને બરતરફ કરતાં જામનગર જિલ્લા હોમગાર્ડઝ કમાન્ડન્ટ
October 05, 2024 06:52 PMCopyright © 2023-2024 Aajkaal Daily
Developed by Rhythm Infotech