જામનગર માં સુભાષ બ્રિજ પરથી પસાર થઈ રહેલી એક ખાનગી લક્ઝરી બસમાં મુસાફરી કરી રહેલા એક યુવાનનો કિંમતી મોબાઈલ ફોન ચોરાયો હતો, જે મોબાઈલ ફોનની ચોરી કરનાર તસ્કરને એલસીબીની ટીમે ઝડપી લીધો છે.
જામનગરમાં મંગલબાગ શેરી નંબર-૧માં રહેતો કરણ હિતેશભાઈ પરસોડા નામનો યુવાન સુભાષ બ્રિજ પર એક ખાનગી લક્ઝરી બસમાંથી પસાર થઈ રહ્યો હતો જેનો રૂપિયા ૫૬,૯૯૯ની કિંમતનો મોબાઈલ ફોન ચોરી થઈ ગયો હતો. જે મોબાઈલ ફોનની ચોરીનો ભેદ ઉકેલવામાં એલસીબીની ટુકડીને સફળતા સાંપડી છે.
એલસીબીના કલ્પેશભાઇ, ધનાભાઇ અને ક્રિપાલસિંહને મોબાઇલ ચોરી કરનાર અંગે બાતમી મળી હતી જેના આધારે સુભાષ બ્રિજ પાસેથી ફુગ્ગા વેચતા સુરેશ ભવરલાલ વગરીયા ( ઉ.વ.૨૧) રહે. તળાવની પાળ જામનગર, મૂળ  રાજસ્થાન  ને રૂપિયા ૫૬,૯૯૯ ની કિંમતના ચોરાઉ  મોબાઇલ ફોન સાથે ઝડપી પાડ્યો હતો.