દેશના સૌથી મોટા બિઝનેસ ટાયકૂન મુકેશ અંબાણીના ઘરે લગ્નની શરણાઈ વાગવા જઈ રહી છે. અંબાણી પરિવારના મોટા પુત્ર અનંત અંબાણી રાધિકા મર્ચન્ટ સાથે લગ્ન કરશે. ત્યારે જામનગરમાં હાલમાં દેશ વિદેશની અનેક હસ્તીઓ જોવા મળી છે. દેશના સૌથી ધનાઢ્ય વ્યક્તિ મુકેશ અંબાણીના પુત્ર અનંત અંબાણી અને રાધિકા મર્ચેન્ટની પ્રી વેડિંગ સેરેમનીમાં સામેલ થવા માટે દિગ્ગજ હસ્તીઓ આવી છે.

થોડા સમય પહેલા શાહરુખ ખાન પોતાના પરિવાર સાથે જામનગરમાં આવી ચુક્યો છે. આ ઉપરાંત રણબીર કપૂર અને હોલીવુડ સિંગર રિહાના સહિતના કલાકારો આવી પહોંચ્યા છે. ત્યારે હવે આ પ્રસંગમાં હાજરી આપવા માટે બોલીવુડ અભિનેત્રી રાની મુખર્જી, બોની કપૂર, રણવીર સિંહ અને દીપિકા પાદુકોણ પણ જામનગર આવી પહોંચ્યા છે.

આ પ્રસંગમાં હાજરી આપવા માટે બોલીવુડના કિંગખાન શાહરુખ પોતાની ફેમિલી, પુત્ર આર્યન ખાન, દીકરી સુહાના અને ગૌરી ખાન સાથે જામનગર એરપોર્ટ પર પહોંચ્યા હતા.