લોકભારતી ગ્રામવિધાપીઠ સણોસરામાં યોજાયેલ મૂળશંકરભાઈ ભટ્ટ વ્યાખ્યાન માળામાં વકતા રામ મોરીએ વિવિધ સંદર્ભેા સાથે 'લોકજીવનમાંથી મળતાં કથા અને કિરદારો' વ્યાખ્યાન આપતાં કહ્યું હતું કે, મંગળ પર પાણીની નહિ, મારા ખેડૂતનાં કૂવામાં પાણી નથી તે વાત કરવી છે.
ગોહિલવાડની સુપ્રસિદ્ધ કેળવણી સંસ્થા લોકભારતી ગ્રામવિધાપીઠ સણોસરામાં  મૂળશંકરભાઈ ભટ્ટ વ્યાખ્યાનમાળા અઢારમાં મણકાનું વ્યાખ્યાન વાર્તાકાર, પટકથા લેખક અને નાટકાર રામ મોરી દ્રારા વાર્તા સ્વપે તળપદી ભાષા પ્રયોગ સાથે સહજ રજૂ થયું  હતું.
રામ મોરીએ પોતાનાં વતન અને બાળપણ, પરિવાર, પાદરનો પીપળો, જળમ કૂવો અને તેની ઘટનાઓ સાથે ઘર ડેલો અને પાડોશીઓ તેમજ લાખાવડનાં શિક્ષક જોરશંગભાઈ ચૌહાણથી લઈ મહેન્દ્રસિંહ પરમાર સહિત આજની તેમની સર્જન યાત્રા દરમિયાનનાં કવિ, સાહિત્યકારોનાં સંપર્ક સ્મરણ જણાવી પોતાને મળેલાં આસપાસનાં પાત્રોનું તત્કાલીન વર્ણન સાથે તેમનાં સર્જનમાં અપાયેલા સ્થાન વિશે પ્રવાહી અને હળવા વ્યગં તરગં સાથે થયેલી રજૂઆતમાં સૌને મજા પડી હતી.  રામ મોરીએ કહ્યું હતું કે, મંગળની સપાટી પર પાણીની વાત મારે નથી કરવી, મારા પંથકનાં ખેડૂતનાં કૂવામાં પાણી નથી, તેની આંખોમાં પાણી તગતગે છે, તે વાત કરવી છે. તેમણે અભ્યાસ કાળમાં ભાવનગરમાં સૌ પ્રથમ મૂળશંકરભાઈ ભટ્ટનાં સાહિત્ય વાચનથી મળેલી પ્રેરણા અને ક્રમશ: તેમની સહજ સર્જન પ્રક્રિયાનો ચિતાર રસપ્રદ માણવા મળ્યો હતો.
વ્યાખ્યાન પ્રારંભે લોકભારતી વિશ્વવિધાલયનાં વિશાલ ભાદાણીએ આવકાર સાથે પરિચય વિધિ કરેલ. અહીંયા પ્રારંભે સંગીતવૃંદ દ્રારા સુંદર ગીતગાન થયું હતું. કાર્યક્રમ સમાપન સાથે દર્શનાબેન ભટ્ટે સુંદર ગીત રજૂ કરેલ.  આભારવિધિ કરતાં વિક્રમ ભાઈ ભટ્ટે લાગણી વ્યકત કરી કે, પોતે જ નહિ પરંતુ અહીંયા રહેલ સૌ મૂળશંકરભાઈ ભટ્ટનાં વારસદાર રહેલાં છીએ. સંસ્થાનાં વડા અણભાઈ દવે, હસમુખ ભાઈ દેવમુરારી અને રાજેન્દ્રભાઈ ખીમાણી સાથે લોકભારતી પરિવાર સંકલનમાં રહ્યા હતા