ભાવનગર અમદાવાદ શોર્ટ હાઇવે પર આવેલા ભડભીડ ટોલનાકા નજીક વે-બ્રિજ પાસે પાર્ક કરાયેલ ડંમ્પર વાહન કોઇ અજાણ્યો માણસ ડ્રાયરેકટ કરી વાહનમાં ફીટ કરેલ જીપીએસ સીસ્ટમ બંધ કરી વાહન ચોરી કરી ગયાની વેળાવદર ભાલ પોલીસમાં ફરિયાદ નોંધાઈ હતી. ટાટા ટીપ્પર ડમ્પર ટ્રક નંબર જીજે ૦૪ એડબલ્યું ૨૩૨૪ જેની આશરે કિંમત રૂપિયા ૧૭,૦૦,૦૦૦ નું વાહન ચોરાયાની ફરિયાદ નોંધાતા પોલીસે અજાણ્યા શખ્સ સામે ગુનો દાખલ કરી તપાસ હાથ ધરી હતી.

આ બનાવ અંગે વેળાવદર ભાલ પોલીસ મથક ખાતેથી મળતી માહિતી અનુસાર વેળાવદર ભાલ પોલીસ મથક ખાતે પ્રીયરાજસિંહ પ્રદ્યુમનસિંહ ચુડાસમા (ઉ.વ. ૩૮, ધંધો ટ્રાન્સપોટેશન રહે. બાવળીયારી તા. ધોલેરા જી.અમદાવાદ)એ એવા મતલબની ફરીયાદ નોંધાવી હતી કે, શ્રીજી સ્ટોન ઇન્ડસ્ટ્રીઝ નામની ટ્રાન્સપોર્ટ ઓફીસ છેલ્લા દસ વર્ષથી ચલાવે છે. અને તેમા ટાટા ટીપ્પર (ડમ્પર) નંબર જીજે ૦૪ એડબલ્યું ૨૩૨૪ માં ડ્રાઇવર તરીકે ઉનડભાઈ ગભાભાઈ ખોડા અને કલીનર તરીકે જગાભાઈ શીયાળીયા (રહે. ભડભીડ તા. જી. ભાવનગર) નોકરી કરે છે. અને જેઓ ગત તા ૨૬/૦૧/૨૦૨૪ ના રોજ આ ડમ્પર ટ્રક આશરે બપોરના બે વાગ્યે ભડલી ગામ તા. શીહોર ખાતે આવેલ શ્રીજી સ્ટોન ઇન્ડસ્ટ્રીઝ ભડીયેથી કપચી ભરીને બાવળીયારી ગામ પાસે નવો બનતો હાઇ-વે રોડ ઉપ૨ હેબતપુર ગામ પાસે સાંજના છએક વાગ્યે ડમ્પરને ડ્રાઇવરે ખાલી કરેલ અને ત્યારબાદ સાંજના સાતેક વાગ્યા આસપાસ ભડભીડ ટોલનાકા પાસે આવેલ ધરતી વે બ્રીજ પાસે ડમ્પર પાર્ક કરીને ડ્રાઈવર તથા કલીનર તેઓના ઘરે જતા રહ્યા હતા. ત્યારબાદ વહેલી સવારના પાચેક વાગ્યે મારા ડ્રાઇવર ઉનડભાઈએ ફોન કરી કહેલ કે મે સાંજે ધરતી વે બ્રીજ પાસે ડમ્પર પાર્ક કરેલ તે જગ્યા પર ડમ્પર જોવમા આવેલ નહી. જેથી આજુબાજુમાં તપાસ ડમ્પર વાહન કઇ જોવામા આવેલ નહી જેથી કોઈ અજાણ્યો માણસ લઇ ગયેલ છે. તેમ જણાવતા ધરતી વે બ્રીજે તાત્કાલીક પહોંચો તેમ કરતા ફરિયાદીના નાનાભાઈ પુષ્પરાજસિંહને ઉકત બનાવની વાત કરેલ અને કહેલ કે ધરતી વે બ્રીજે પાર્ક કરેલ ડમ્પર વાહનની તપાસ કરો જેથી તેઓના નાનાભાઇ વહેલી સવારના સમયે રૂબરૂ બનાવવાળી જગ્યાએ જઇ આજુબાજુના માણસો તથા સાથે કન્ટ્રકશનમાં કામ કરતા માણસોને પુછપરછ કરતા કોઇ હકીકત જાણવા મળેલ નહી. અને આ ડમ્પર વાહનની ચાવી મારા ડ્રાઇવર પાસે હોય તેથી કોઈ અજાણ્યો માણસ ડમ્પર વાહન ડ્રાયરેકટ કરી વાહનમાં ફીટ કરેલ જીપીએસ સીસ્ટમ બંધ કરી વાહન ચોરી કરી નાસી ગયો હતો. જે અંગે ટાટા ડમ્પર ટ્રક નંબર જીજે ૦૪ એડબલ્યું ૨૩૨૪ જેની કિંમત રૂપિયા ૧૭,૦૦,૦૦૦ ની છે. કોઈ અજાણ્યો શખ્સ ચોરીને નાસી ગયો હોવાની ફરિયાદ વેળાવદર ભાલ પોલીસ મથકમાં નોંધાવતા પોલીસે ફરિયાદમાં આધારે ગુનો નોંધી વધુ કાર્યવાહી હાથ ધરી હતી.