કુલ ૩૨ હજારનો મુદામાલ લઇ ગયાની અજાણ્યા સામે રાવ

લાલપુર તાલુકાના સાજડીયારી ગામમાં સીમ વિસ્તારમાં આવેલા પીજીવીસીએલના ટ્રાન્સફોર્મર માંથી કોઈ તસ્કરો કોપરની કોઈલ તેમ જ ઓઇલ સહિતની માલ સામગ્રી ચોરી કરી ગયાની ફરિયાદ લાલપુર પોલીસ મથકમાં નોંધાવવામાં આવી છે.
 લાલપુર તાલુકાના સાજડીયારી ગામમાં સરકારી ખરાબામાં ફીટ કરવામાં આવેલા પીજીવીસીએલના વિજ ટ્રાન્સફોર્મર માંથી કોઈ તસ્કરોએ ૧૧૦ લિટર ઓઇલ તેમજ ૧૫ કિલો વજનની કોપરની કોઇલ સહિત ૩૨ હજારની માલમતા ની ચોરી કરી લઈ ગયા હતા.
 જે ચોરીના બનાવ અંગે સમાણાં પીજીવીસીએલની કચેરીના નાયબ ઇજનેર ગોવિંદભાઈ ખરાડીએ લાલપુર પોલીસને જાણ કરતાં લાલપુર પોલીસે અજાણ્યા તસ્કરો વિરુદ્ધ ગુન્હો નોંધી તસ્કરોની શોધખોળ હાથ ધરી છે.