ગોંડલના મોવિયા રોડ ઉપર આવેલા વિવાહ પાર્ટી પ્લોટમાં મિત્રના લગ્ન પ્રસંગમાં હાજરી આપવા ગયેલા યુવકને ત્યાં આવેલા અન્ય એક મિત્ર સહીત ત્રણ શખ્સોએ ધોકા-લાકડી વડે મારમારતા મૂંઢ ઇજા થવાથી સારવાર માટે ખસેડવામાં આવ્યો હતો. યુવકને મિત્રએ ફોન કરી બહાર બોલાવ્યો હતો અને ત્યાં કેમ છે ? મજામાં કહેતા તું કેમ બહેન દીકરીઓ સામે નજર કરે છે કહી ત્રણેય તૂટી પડ્યા હતા. બનાવ અંગે ગોંડલ તાલુકા પોલીસે ત્રણ શખ્સો સામે ગુનો નોંધ્યો છે.
પ્રાપ્ત માહિતી મુજબ ગોંડલના રણછોડનગરમાં હનુમાન મંદિર વાળી શેરીમાં રહેતો ઋત્વિક વિજયભાઈ ચૌહાણ (ઉ.વ.25)નો યુવક બે દિવસ પહેવા મોવિયા રોડ ઉપર વિવાહ પાર્ટી પ્લોટમાં મિત્ર વિવેક માલવિયાના લગ્નમાં હાજરી આપવા માટે ગયો હતો ત્યારે રાત્રીના સાડા દશેક વાગ્યે જમણવાર પૂરો થઇ ગયા બાદ ઋત્વિક મિત્રો સાથે બેઠો હતો ત્યારે મિત્ર મમત્વ પટેલએ ફોન કરી પાર્કિંગમાં બોલાવ્યો હતો. યુવક પાર્કિંગમાં પહોંચતા મમત્વએ કેમ છે મજામાં, ઋત્વિકે હા મજામાં કહેતા, તું કેમ બહેન દીકરીઓ સામે નજર કરે છે કહી ગાળાગાળી કરવા લાગ્યો હતો તેને સમજાવવા જતા મમત્વ પટેલ, તેની સાથેનો અજાણ્યો વ્યક્તિ અને પ્રિન્સ પટેલએ આડેધડ ધોકા વડે મારમારતા દેકારો થવાથી અન્ય મિત્રો આવી ગયા હતા અને વધુ મારમાંથી છોડાવી ક્રિષ્ના હોસ્પિટલમાં સારવાર માટે લઇ જવાયો હતો જ્યાં માથાના ભાગે ટાંકા આવ્યા હતા અને મૂંઢ ઇજા થઇ હોવાનું નિદાન થયું હતું. બનાવ અંગે પોલીસે યુવકની ફરિયાદ પરથી ત્રણેય શખ્સો સામે આગળની કાર્યવાહી હાથ ધરી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમહારાજા કૃષ્ણકુમારસિંહજીની પ્રતિમાને શહેર ભાજપ દ્વારા પુષ્પાંજલિ અર્પણ કરાઈ
April 03, 2025 03:39 PMકુંભારવાડામાં લોખંડના ભંગારની દુકાનમાં ચોરી
April 03, 2025 03:37 PMCopyright © 2023-2024 Aajkaal Daily
Developed by Rhythm Infotech