જો તમને દિલ્હીના છોલે ભટુરેનો ટેસ્ટ પંસદ છે, તો મુંબઈનું પ્રખ્યાત પાવભાજી એકવાર ટ્રાય કરો. પાવભાજી એક એવી રેસીપી છે જે દરેક ઉંમરના લોકો ખાવાનું પસંદ કરે છે. આ વાનગી શાકભાજી ઉમેરીને બનાવવામાં આવે છે. ચાલો જાણીએ મહારાષ્ટ્રની આ રેસીપી ઘરે કેવી રીતે બનાવવી?

પાવભાજી બનાવવા માટેની સામગ્રી

6 પાવ, 2-3 સમારેલી ડુંગળી, એક ટામેટા, 3-4 બાફેલા બટાકા, અડધી કોબીજ, એક કપ વટાણા, એક ચમચી લાલ મરચું પાવડર, ત્રણ ચમચી પાવ ભાજી મસાલો, અડધો કપ પ્યુરી, માખણ, ધાણાભાજી

પાવભાજી કેવી રીતે બનાવવી?

સ્ટેપ 1:

પાવભાજી બનાવવા માટે પહેલા 3-4 બટાકા, કોબી અને લીલા વટાણાને બાફી લો. હવે ગેસ ચાલુ કરો અને પેનને રાખો. 3 ચમચી તેલ ઉમેરો અને તેમાં બટાકા, કોબી અને વટાણા ઉમેરો. જ્યાં સુધી તેઓ સોનેરી ન થાય ત્યાં સુધી તેમને સારી રીતે ફ્રાય કરો. તે પછી તેને મેશરની મદદથી સારી રીતે મેશ કરો અને તેને એક વાસણમાં બહાર કાઢો.

સ્ટેપ 2:

હવે પેનમાં તેલ ઉમેરો અને ડુંગળી, 2 લીલા મરચાં, લસણ અને ટામેટાને સારી રીતે ફ્રાય કરો. હવે તેને ઠંડુ કરીને સારી રીતે પીસી લો. પીસ્યા પછી પેનમાં 2 ચમચી માખણ નાખો. હવે આ મસાલાને પેનમાં નાંખો અને સારી રીતે પકાવો. મસાલાને તેલ છૂટે ત્યાં સુધી પકાવો. હવે મસાલામાં બટેટા અને વટાણાનું મિશ્રણ ઉમેરીને બરાબર મિક્ષ કરી લો. લાલાશ માટે તમે આ મિશ્રણમાં બીટરૂટની પેસ્ટ પણ ઉમેરી શકો છો.

સ્ટેપ 3:

જ્યારે મસાલો સારી રીતે મિક્સ થઈ જાય ત્યારે 3 ગ્લાસ પાણી ઉમેરો. હવે તેમાં એક ચમચી લાલ મરચું પાવડર, ત્રણ ચમચી પાવભાજી મસાલો અને સ્વાદ મુજબ મીઠું ઉમેરો. ગ્રેવી ઘટ્ટ થાય ત્યાં સુધી ભાજીને પકાવો. છેલ્લે ધાણાભાજી ગાર્નિશ કરો.