શહેરના રૂવાપરી રોડ પર ખેડૂતવાસ વિસ્તારમાં આવેલા સરકારી પ્લોટમાં વર્ષોથી થયેલા ગેરકાયદેસર દબાણો અંગે થયેલી રજુઆત બાદ બદલી પામેલ કમિશ્નરની સીધી સૂચનાથી મહાપાલિકાના એસ્ટેટ વિભાગ અને દબાણ હટાવ સેલની ટીમે ખેડૂતવાસ વિસ્તારમાં સરકારની માલિકીના ૧૬૦૦વારના પ્લોટ પર દબાણ રૂપી બાંધકામો પર બુલડોઝર ફેરવી કિંમતી પ્લોટને દબાણ મુક્ત કરવાની કાર્યવાહી હાથ છે. ઉલ્લેખનીય છે કે રૂવાપરી રોડ, ખેડૂતવાસમાં મહાપાલિકાની માલિકીના ૧૬૦૦ વાર ના પ્લોટમાં વર્ષોથી ગેરકાયદેસર દબાણો થયા હોય ભૂતકાળમાં મ્યુ. તંત્ર દ્વારા કાર્યવાહી કરવામાં આવી હતી પરંતુ કેટલાક દબાણકર્તાઓએ કોર્ટનું શરણું લીધું હોય કોર્ટમાં કેસ ચાલુ હોય ૧૬૦૦વાર પૈકી ૧૦૦૦વાર જમીન દબાણ મુક્ત કરવા કાર્યવાહી હાથ ધરવામાં આવી હોય સાંજ સુધીમાં પ્લોટ પરનું દબાણ દૂર કરી પ્લોટનો કબ્જો હસ્તગત કરાશે તેમ મ્યુ. સૂત્રોએ જણાવ્યું હતું.