રાજકોટનાં ગુજરાત ઈન્ડસ્ટ્રીયલ સિકયુરિટી ફોર્સ (જીઆઈએસએફ)ના એકમના સુપરવાઈઝર જગુ રામભાઈ વાજા ઉ.વ.૪૭ને રાજકોટ એસીબીએ ગાર્ડ પાસેથી લાંચ લેતાં રંગેહાથ પકડી લીધા બાદ એવી પણ તપાસ હાથ ધરાઈ છે કે લાંચ લેનાર સુપરવાઈઝર અન્ય ગાર્ડ કે કર્મીઓ પાસેથી આવી રીતે લાંચ મેળવતો હતો કે કેમ?

જીઆઈએસએફના ગાર્ડ (જવાનો) રાજકોટમાં સરકારી કચેરીઓ પર ફરજ પર મુકાતા હોય છે. એક કચેરીમાં નોકરી કરતા ગાર્ડ પાસેથી તેની નોકરીનો પોઈન્ટ ન બદલવા ખોટી રીતે કોઈ હેરાનગતિ નહીં કરવાની બાબતે ગાર્ડ પાસેથી સુપરવાઈઝર જગુએ લાંચ માગી હતી. ગાર્ડે એસીબીમાં ફરિયાદ આપતા ઈન્ચાર્જ મદદનીશ નિયામક કે.એચ.ગોહિલના વડપણ હેઠળ પીઆઈ એ.આર.ગોહિલ તથા સ્ટાફે ટ્રેપ ગોઠવી હતી.

આરોપીને કાલાવડ રોડ પર ક્રિસ્ટલ મોલ પાસે લાંચના રૂપિયા આપવા બોલાવાયો હતો જયાં એસીબીની ટીમ છટકું ગોઠવીને ઉભી હતી. ગાર્ડ પાસેથી ૧૦૦૦ રૂપિયાની લાંચ લેતાજ પકડી લેવાયો હતો. આરોપી છેલ્લ ા ૨૬ વર્ષથી જીઆઈએસએફમાં નોકરી કરતો હોવાથી તે આવી રીતે અન્ય ગાર્ડસ પાસેથી પણ લાંચ લેતો હશે? કોની કોની પાસેથી નાણા લેતો હતો? સહિતના મુદ્દે આરોપીની પૂછતાછ આરંભી હતી. લાંચ કેસ થતા જીઆઈએસએફ કચેરીના સંબંધીત અધિકારીઓને પણ એસીબી દ્રારા લેખિત જાણ કરાશે