મહુવા તાલુકાના જાદરા ગામ પાસે આવેલ એક હોટલમાં મહુવાના અગ્રણી ઉદ્યોગપતિના પુત્રએ મહિલાને બોલાવીને શારીરિક અડપલા કરતા ભારે ચકચાર મચી જવા પામી હતી. જે અંગેની મહુવા ગ્રામ્ય પોલીસ સ્ટેશનમાં ફરિયાદ નોંધાવાઈ હતી.
પોલીસ સુત્રો પાસેથી  મળતી વિગત મુજબ મહુવા શહેરમાં રહેતી મહિલાએ મહુવા ગાંધીબાગ પાછળ રહેતા મહુવાના અગ્રણી ઉદ્યોગપતિના પુત્ર નિકુંજ જીલુભાઈ ભૂકણ વિરુદ્ધમાં મહુવા ગ્રામ્ય પોલીસ મથકમાં  એવા મતલબની ફરિયાદ નોંધાવી હતી  કે તેણીના બહેનપણીએ એકાદ વર્ષ પહેલા પ્રેમ  લગ્ન કરેલ  હોય જે કેસમાં પોલીસમાં  નિવેદન લખાવવા બાબતે નિકુંજ સાથે સંપર્ક થયો હતો. 
પરિણીતા મહીલા સાથે સંપર્કમાં આવ્યા બાદ તેને હોટલમાં બોલાવી તેની સાથે કુચેષ્ઠા કરતા યુવક સામે ગુનો દાખલ થવા પામ્યો હતો. મહીલા સાથે અડપલા કરી પજવણી કરનારો નિકુંજ ભુંકણના પિતા જીલુભાઈ ભુકણ મહુવાના એક જાણીતા ઉદ્યોગપતિ અને ભાવનગર ડિસ્ટ્રિક્ટ કોપરેટીવ બેંકના ડાયરેક્ટર તેમજ મહુવા ખરીદ વેચાણ સંઘના ચેરમેન અને મહુવા માર્કેટિંગ યાર્ડમાં પણ સભ્ય હોવાનું તેમજ ભારતીય જનતા પાર્ટીના અગ્રણી હોવાનું જાણવા મળ્યુ હતું. ઇન્સ્ટાગ્રામ તથા સ્નેપ ચેટ તથા અવારનવાર મોબાઇલમા વાત કરતા જેથી મહિલાના પતિએ ના પાડવા છતાં ગત તારીખ ૧૨:૮ના રોજ બપોરના ૧:૪૫ વાગ્યે નિકુંજ ભૂકણએ મહુવાના જાદરા ગામ પાસે આવેલ હોટલમાં મહિલાને રૂબરૂ મળવા માટે બોલાવી અને હોટલના ઉપરના રૂમમાં લઈ જઈ મહિલાને સેટી ઉપર બેસાડી મહિલા સાથે બાથ  ભીડી શારીરિક અડપલા કરી  ગળાના ભાગે ચીટીયા ભરતા મહિલા રૂમમાંથી ભાગી હતી જે દરમ્યાન  મહિલાનો પતિ હોટલ પર આવી જઈને મહિલાને પોતાને ઘરે લઈ આવેલ હતો.
 ઘટનાની વાયુ વિગતો બહાર આવતા મહુવા પંથકમાં ચકચાર મચી જવા પામી હતી. ઉક્ત બનાવ અંગે મહુવા ગામ્ય પોલીસે નિકુંજ જીલુભાઈ ભુકણ વિરુદ્ધમાં કલમ બી.એમ.એસ બી.એન.એસ ૭૫ કલમ મુજબનો ગુનો નોંધીને આગળની તપાસ પી.એસ.આઈ આર. જે યાદવે  તપાસ હાથ ધરી હતી.