પોરબંદરના મોટાભાગના ગામડાઓમાં ભારે વરસાદને કારણે રસ્તાનું ધોવાણ થયું હતુ.તેથી તેને પેચવર્ક કરી સમથળ બનાવાયા છે.
પોરબંદર જિલ્લામાં તાજેતરમાં પડેલ અતિ ભારે વરસાદના કારણે મોટાભાગના રસ્તાઓનો ધોવણ થયું હતું. પોરબંદર જિલ્લા વહીવટી તંત્ર દ્વારા રસ્તાઓની મરામત કરવામાં આવી રહી છે, મોટાભાગના રસ્તાઓ ખાડામાં મોરમ નાખી ગાબડા બુરી સમથળ કરવામાં આવ્યા છે. એક ગામથી બીજા ગામને જોડતા રસ્તાનું સમારકામ કરી ફરીથી વાહન વ્યવહારને કોઈ પ્રકારની અવરમાં અગવડતા ન પડે તે પ્રકારની કામગીરી કરાઇ છે. જિલ્લા કલેક્ટર એસ. ડી. ધાનાણીની સુચના મુજબ જિલ્લા વહીવટી તંત્રના સંકલનમાં રહી માર્ગ અને મકાન વિભાગ સ્ટેટ દ્વારા પોરબંદરના બાપોદરા, ઠોયાણા, ભોદ, મોકર ગામના માર્ગો ગાબડા બુરી સમથળ કરાયા છે.