સોશિયલ મીડિયા પર એક સવાલ ઝડપથી વાયરલ થઈ રહ્યો છે, જેમાં પૂછવામાં આવ્યું છે કે એવું કયું પ્રાણી છે જેનું દૂધ ફાટતું નથી દુનિયાના મોટાભાગના દેશોમાં લોકો દૂધ ખૂબ જ પીવે છે, કારણકે તેને સૌથી પૌષ્ટિક ખોરાક માનવામાં આવે છે. જેમાં પ્રોટીન, કેલ્શિયમ, વિટામિન બી-2, ફોસ્ફરસ, મેગ્નેશિયમ, આયોડિન અને ફેટ ભરપૂર માત્રામાં હોય છે. સામાન્ય રીતે લોકો ગાય-ભેંસનું દૂધ જ પીવે છે. તેના જવાબમાં એક વ્યક્તિએ ઊંટનું નામ લઈને કહ્યું છે કે તેનું દૂધ ક્યારેય ફાટતું નથી.

માહિતી અનુસાર, કોઈપણ પ્રાણીના દૂધમાં બેક્ટેરિયા હોય છે, જેના કારણે દૂધ ફાટી જાય છે. નિષ્ણાતો તેને કુદરતી પ્રક્રિયા માને છે. જો કે ડેરી ફાર્મમાં  આ દૂધને ઘણાં વિવિધ રસાયણો ઉમેરીને લાંબા સમય સુધી ફાટે નહી એ રીતે સાચવવામાં આવે છે. આ માટે કેટલીક કંપનીઓ ન્યુટ્રાલાઈઝર, સ્ટાર્ચ અને ફોર્મલિન જેવા રસાયણોનો ઉપયોગ કરે છે. પોકેટ મિલ્ક ઘણીવાર ફાટ્યા વગર ત્રણ-ચાર દિવસ સુધી સુરક્ષિત રહે છે. મોટાભાગના લોકો પોકેટ દૂધને બદલે તેને ગોવાળિયા પાસેથી સીધું ખરીદવાનું પસંદ કરે છે. એક એક્સપર્ટે આ પોસ્ટ પર લખ્યું છે કે જે પણ પ્રાણી નિયમિત દૂધ આપે છે, તેનું દૂધ ચોક્કસપણે ફાટશે. એવું કોઈ પ્રાણી નથી કે જેનું દૂધ ક્યારેય ફૂટતું નથી. આ માત્ર એક અફવા છે.

પરંતુ ઊંટનું દૂધ પીવાના ઘણા ફાયદા છે, તે ખૂબ જ શક્તિશાળી માનવામાં આવે છે. એક તરફ તેને શુગરના દર્દીઓ એટલે કે ડાયાબિટીસના દર્દીઓ માટે અમૃત માનવામાં આવે છે તો બીજી તરફ એવો દાવો કરવામાં આવે છે કે તેનો ઉપયોગ કરનારાઓ કાયમ યુવાન રહે છે. તેની ત્વચા યૌવન જેવી જ રહે છે. તેમાં બ્લડ સુગરને નિયંત્રિત કરવાની શક્તિ છે. ભારતમાં રાજસ્થાન અને ગુજરાતના ઘણા વિસ્તારોમાં ઊંટનું દૂધ પીવામાં આવે છે. કેટલીક કંપનીઓ તેમાંથી દૂધ, રબડી, ઘી, છાશ, દહીં, ક્રીમ, કુલ્ફી, આઈસ્ક્રીમ અને બરફી પણ બનાવી રહી છે.