ખેડા-નડીયાદ કપડવંજ જીલ્લાના ચિખલોડ પગીવગા ખાતે રહેતા દલપતભાઇ પરમારએ પોલીસમાં જાહેર કર્યા મુજબ રીપલબેન દલપત પરમાર નામની સગીર યુવતિ ગત તા. ૧૯ના રોજ ભેદી રીતે ગુમ થઇ છે, ગુમથનાર શરીરે પાતળી અને લીલા કલરનો પંજાબી ડ્રેસ પહેરેલ છે, આશરે પાંચેક ફુટની ઉંચાઇ ધરાવે છે, આ અંગે કોઇને જાણ થાય તો પોલીસનો સંપર્ક કરવા યાદી મારફત અનુરોધ કરવામાં આવ્યો છે.
**
કાલાવડના ટોડાની યુવતિ ગુમ
મુળ સુરેન્દ્રનગરના સાયલા તાલુકાના સોનપરી ગામના વતની અને હાલ કાલાવડના ટોડા ગામમાં વાડીએ મજુરીકામ કરતા મનિષાબેન માનસંગભાઇ ગોયેલ (ઉ.વ.૨૨) નામની યુવતિ ગત તા. ૧૮ના વાડીએથી સવારના કોઇને કહયા વગર કયાંક જતી રહી હોય, સગાસબંધીઓમાં તપાસતા મળી આવેલ નથી, આથી પોલીસમાં ગુમ થયાની જાણ કરવામાં આવી હતી. જેના આધારે તપાસ ચલાવવામાં આવી રહી છે.