ઉપલેટા પંથકના દસ કરતા વધુ ગામો માટે અતિમહત્વનું કહી શકાય તેવું સૌની યોજનાનું સિંચાઇ માટેનું પાણી ધારાસભ્ય પાડલિયાની સઘન રજૂઆતને પગલે ચેકડેમમાં આવી પહોંચતા ખેડૂતોમાં આનંદ વ્યાપી ગયો છે.
​​​​​​​
ભાયાવદર-ખીરસરા ટીંબડી અરણી સહિત ખેડૂતોની રજૂઆતના પગલે ધારાસભ્ય મહેન્દ્રભાઇ પાડલિયાએ સૌની યોજના લિંક-૩માં જ ફિડર કાલાવડ પાસે આવેલ છે. તેમાંથી જો પાણી છોડવામાં આવે તો હજારો હેકટરને સિંચાઇનો ફાયદો મળે તેવી રજૂઆત સિંચાઇ મંત્રી કુંવરજીભાઇ બાવળિયા તેમજ લાગતા વળગતા અધિકારીઓને કરતા તાત્કાલીક ધોરણે આ પ્રશ્ર્નનો ઉકેલ આવતા ગઇકાલે લીંક-૩માંથી પાણી છોડવામાં આવતા ભાયાવદર પંથકના ખીરસરા અને ટીંબડી વચ્ચેના ચેક ડેમમાં આવી પહોંચતા સિંચાઇ માટે આ પાણી ભારે ફાયદાકારક ગણાશે. ચેકડેમમાં પાણી આવતા ભર ઉનાળે ચેકડેમો છલકાઇ જવાથી ચોમાસા સુધી પાણી સ્તર સાજા રહેશે આને કારણે સિંચાઇ તેમજ પીવાના પાણી માટે મોટો ફાયદો મળશે.