ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આગામી તારીખ 23ના રોજ લેવાનારી ગુજરાત કોમન એન્ટ્રન્સ ટેસ્ટ (ગુજકેટ) માટેની હોલ ટિકિટ બોર્ડે તેની વેબસાઈટ પર ઓનલાઇન મૂકી દીધી છે. પરીક્ષાથીઓને તે ડાઉનલોડ કરવા સૂચના આપવામાં આવી છે.

બોર્ડના પરીક્ષા વિભાગના સંયુક્ત નિયામક દ્વારા કરવામાં આવેલી જાહેરાત મુજબ આ વખતે માત્ર ઓનલાઇનના માધ્યમથી જ હોલ ટિકિટ મળશે. વિદ્યાર્થીઓ પોતાનો રજીસ્ટર મોબાઇલ નંબર અથવા ઇમેલ આઇડી અને જન્મ તારીખ અથવા એપ્લિકેશન નંબર દાખલ કરીને હોલ ટિકિટ ડાઉનલોડ કરી શકશે. પરીક્ષાથીના નામ પરથી પણ સર્ચ કરીને જન્મ તારીખની વિગત ભરીને આવી હોલ ટિકિટ ડાઉનલોડ કરી શકાશે.

બોર્ડે જણાવ્યું છે કે હોલ ટિકિટ માત્ર ઓનલાઇન માધ્યમથી જ મળશે. જે પરીક્ષા ખંડમાં પ્રવેશ માટે માન્ય ગણાશે. આ હોલ ટિકિટ પર શાળાના આચાર્યની સહી કે સિક્કો મરાવવાની જરૂર નથી. જો કોઈ વિદ્યાર્થીને હોલ ટિકિટ ડાઉનલોડ કરવામાં કોઈ સમસ્યા નડતી હોય તો શાળાઓ પોતાના ઇન્ડેક્સ નંબર અને રજીસ્ટર્ડ મોબાઈલ નંબરનો ઉપયોગ કરી લોગીન થઈ વિદ્યાર્થીઓને મદદરૂપ થઈ શકશે.

ડાઉનલોડ કરેલી હોલ ટિકિટ સાથે પરીક્ષાર્થીઓએ પોતાનુ કોઈ એક ફોટો આઈડી પ્રૂફ (આધારકાર્ડ, ડ્રાઇવિંગ લાઇસન્સ અથવા ધોરણ 12 પરીક્ષાની ઓરીજનલ હોલ ટિકિટ) સાથે રાખવી પડશે