લોકસભાની ચૂંટણીના અંતિમ તબક્કાના આજના મતદાન સાથે જ ચૂંટણી પ્રચારનો લાંબો સમયગાળો પૂરો થયો છે. હવે આગામી તારીખ ૪ ના રોજ મંગળવારે મતગણતરી શરૂ થવાની છે.દેશમાં ભાજપ અબકી બાર ૪૦૦ કે પારના સુત્રને સાકાર કરી શકશે કે ભાજપ ૩૦૦થી ઓછી બેઠકમાં સમેટાઈ જશે તેવા વિરોધ પક્ષોના દાવા સાચા થશે.?ગુજરાતમાં લોકસભાની છેલ્લી બે ચૂંટણીમાં ભાજપે તમામ ૨૬ બેઠકો પર વિજય હાંસલ કરીને નવો રેકોર્ડ સ્થાપિત કર્યેા છે. આ વખતે પણ ભાજપ તમામ ૨૬ બેઠકો પર વિજેતા બનીને હેટિ્રકનો નવો રેકોર્ડ સ્થાપશે? કે પછી કોંગ્રેસ અને આમ આદમી પાર્ટીનું મહાગઠબંધન ભાજપના ગઢમાં અનેક જગ્યાએ ગાબડા પાડશે? તેવા સવાલો ઠેર ઠેર પૂછાઇ રહ્યા છે. તારીખ ચારના મંગળવાર બપોર સુધીમાં આમાંથી મોટાભાગના સવાલોના જવાબો મળી જશે. પરંતુ અત્યારે તો રાજકીય પક્ષો અને તેના ઉમેદવારોના બ્લડપ્રેશર વધી ગયા છે.
આજે છેલ્લા તબક્કાની ચૂંટણી યાં યોજવામાં આવી છે તે સિવાય તમામ સ્થળે મત ગણતરીની કામગીરી સંદર્ભે જરી વ્યવસ્થા ગોઠવાઈ ચૂકી છે. આજે યાં ચૂંટણી હતી ત્યાં એકાદ દિવસમાં જ આ વ્યવસ્થા થઈ જશે.

ગુજરાતની વાત કરીએ તો અહીં કેન્દ્રીય ગૃહ મંત્રી અમિતભાઈ શાહ, ભાજપના પ્રદેશ પ્રમુખ સી. આર. પાટીલ, કેન્દ્રીય મંત્રીઓ પુષોત્તમ પાલા, મનસુખભાઈ માંડવીયા જામનગરના પૂનમબેન માડમ સહિત અનેકના ભાવિનો ફેસલો ૭૨ કલાક બાદ આવવાનો છે.કોંગ્રેસની વાત કરીએ તો વિધાનસભા વિરોધ પક્ષના પૂર્વ નેતા પરેશભાઈ ધાનાણી બનાસકાંઠામાં ગેનીબેન ઠાકોર, પોરબંદરમાં લલિતભાઈ વસોયા આણંદમાં અમિતભાઈ ચાવડા, દાહોદમાં પ્રભાબેન તાવીયાડ, સાબરકાંઠામાં તુષાર ચૌધરી, સુરેન્દ્રનગરમાં ઋત્વિક મકવાણા, અમરેલીમાં જેનીબેન ઠુમર અને ભચમાં આમ આદમી પાર્ટીના ચૈત્ર વસાવાએ ભારે ફાઈટ આપી છે.સુરતની બેઠક ભાજપની તરફેણમાં બિનહરીફ જાહેર થઈ ચૂકી છે અને હવે ૨૫ બેઠકના પરિણામો મંગળવાર બપોર સુધીમાં આવી જશે. કોંગ્રેસ ૧૦ જેટલી બેઠકો મેળવશે તેવો દાવો પ્રદેશ પ્રમુખ શકિતસિંહ ગોહિલે કર્યેા છે.