ભારતના ચૂંટણી પંચે મિઝોરમમાં પરિણામની તારીખમાં ફેરફાર કર્યો છે. હવે અહીં મતગણતરી 3જી ડિસેમ્બરને બદલે 4 ડિસેમ્બરે થશે. અગાઉ તમામ 5 ચૂંટણી રાજ્યો - મધ્યપ્રદેશ, રાજસ્થાન, છત્તીસગઢ, તેલંગાણા અને મિઝોરમમાં 3જી ડિસેમ્બરે પરિણામો એકસાથે જાહેર કરવાના હતા. પરંતુ ચૂંટણી પંચે કહ્યું કે મિઝોરમમાં 3 ડિસેમ્બરને બદલે હવે 4 ડિસેમ્બરે મતગણતરી થશે.
આ કારણે તારીખમાં કરાયો ફેરફાર
ચૂંટણી પંચે તેની અખબારી યાદીમાં જણાવ્યું છે કે, "ચૂંટણી પંચને વિવિધ ક્ષેત્રોમાંથી ઘણી અરજીઓ મળી છે, જેમાં તેને મતગણતરી તારીખ 3 ડિસેમ્બર, 2023 (રવિવાર) થી બદલીને અન્ય કોઈપણ અઠવાડિયાના દિવસે કરવા વિનંતી કરવામાં આવી છે. આનો આધાર એ છે કે 3 ડિસેમ્બર 2023 એ રવિવાર છે અને તેથી મિઝોરમના લોકો માટે તેનું વિશેષ મહત્વ છે."
"આ અરજીઓને ધ્યાનમાં રાખીને ચૂંટણી પંચે મિઝોરમ વિધાનસભાની સામાન્ય ચૂંટણી માટે મત ગણતરીની તારીખ 3 ડિસેમ્બર 2023 (રવિવાર)થી બદલીને 4 ડિસેમ્બર 2023 (સોમવાર) કરવાનો નિર્ણય લીધો છે."- ભારતના ચૂંટણી પંચ
તમને જણાવી દઈએ કે પૂર્વોત્તર રાજ્ય મિઝોરમમાં 7 નવેમ્બરના રોજ એક જ તબક્કામાં મતદાન થયું હતું. રાજ્યમાં 70% મતદાન થયું હતું.
આ ચૂંટણીને મુખ્યમંત્રી જોરમથાંગાના શાસક પક્ષ મિઝો નેશનલ ફ્રન્ટ (MNF), મુખ્ય વિપક્ષી પાર્ટી, લાલદુહોમાની આગેવાની હેઠળની જોરમ પીપલ્સ મૂવમેન્ટ (ZPM) અને કોંગ્રેસ પાર્ટી વચ્ચે ત્રિકોણીય લડાઈ તરીકે જોવામાં આવી રહી છે. આ ત્રણેય પક્ષોએ તમામ 40 વિધાનસભા બેઠકો પર ચૂંટણી લડી હતી. મહત્વની વાત તો એ છે કે અહીં ભાજપ પાર્ટી દ્વારા ચૂંટણીમાં હાજરી તો પૂરાવી પરંતુ સાઈડ પ્લેયર તરીકે. ભાજપે માત્ર 23 બેઠકો પર ચૂંટણી લડી હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાજકોટ : ભીલવાસ નજીક ઇગલ પેટ્રોલ પંપે રાત્રીના માથાભારે શખ્સે ફિલરમેનને છરીના ઘા ઝીંક્યા
July 07, 2024 03:50 PMજામકંડોરણામાં : અષાઢી બીજ નિમિત્તે રામજીની ભવ્ય રથયાત્રા, મોટી સંખ્યામાં ભક્તો જોડાયા
July 07, 2024 03:45 PMજુનાગઢ : પ્રાચીન જગન્નાથજી મંદિરે અષાઢી બીજની ભવ્ય ઉજવણી પ્રભુજીને કરાયા દિવ્ય શણગાર
July 07, 2024 03:44 PMઝિમ્બાબ્વે સામે હાર બાદ એમએસ ધોનીના ક્લબમાં શુભમન ગિલની થઈ એન્ટ્રી
July 07, 2024 12:03 PMCopyright © 2023-2024 Aajkaal Daily
Developed by Rhythm Infotech