​​​​​​​દરેક વ્યક્તિ માટે એ સમજવું મુશ્કેલ છે કે મહિલાઓનું કેટલુ મહત્વ છે અને તેઓ કેટલું કામ કરે છે. ઘણા લોકો ગૃહિણીના કામને તુચ્છ માને છે, જ્યારે ઘણી કંપનીઓ પુરુષો કરતાં મહિલાઓને ઓછો પગાર આપે છે. ત્યારે વિચારો કે જો એક આખા દેશની મહિલાઓ એક દિવસ પણ કામ કરવાનું બંધ કરી દે તો તે દેશની શું હાલત થશે? ખરેખર, 40 વર્ષ પહેલા આવું થયું હતું, જેનું પરિણામ એવું આવ્યું કે આ દેશ તેને આજ સુધી યાદ કરે છે.

આ દેશની મહિલાઓએ એક દિવસ માટે કામ પરથી લીધી રજા

ઘણી વખત આપણને કહેવામાં આવે છે કે આ પ્રકારનું કામ પુરૂષો માટે છે અને આ પ્રકારનું કામ સ્ત્રીઓ માટે છે. ઉદાહરણ તરીકે, જો પુરુષો બહારનું કામ કરે છે, તો ઘરેલું કામ સ્ત્રીઓની જવાબદારી છે. પરંતુ આઈસલેન્ડ એક એવો દેશ છે જ્યાં ઘણા બાળકો એવું માનીને મોટા થાય છે કે રાજ્યના વડા બનવાનું કામ ફક્ત મહિલાઓનું છે.

આ ઘટના 40 વર્ષ પહેલા બની હતી. આઇસલેન્ડ હંમેશા 24 ઓક્ટોબર, 1975નો દિવસ યાદ રાખશે.કારણકે તેણે આઇસલેન્ડમાં મહિલાઓ માટે એક નવી દ્રષ્ટિને જન્મ આપ્યો છે. હકીકતમાં આ દિવસે આઇસલેન્ડમાં મહિલાઓ હડતાળ પર ઉતરી હતી. આ હડતાલ સામાન્ય ન હતી પરંતુ આ દિવસે આખા દેશની મહિલાઓએ કામ ન કરવાનો નિર્ણય કર્યો, ન તો ઘરના કામ, ન નોકરીમાં કામ, ન કોઈ અન્ય કામ. તમામ મહિલાઓ વિરોધ કરવા બહાર આવી હતી. બાળકો સહિત ઘરનું દરેક કામ પુરુષોએ સંભાળવું પડતું હતું. તેથી બેંકો, કારખાનાઓ અને કેટલીક દુકાનો બંધ કરવી પડી. શાળાઓ અને નર્સરીઓ પણ બંધ કરવી પડી. આ દિવસે દુકાનોમાં સૌથી વધુ સોસના પેકેટ વેચાયા હતા. કેટલાક પિતા માટે બાળકોને સંભાળવું એટલું મુશ્કેલ બન્યું કે આ દિવસને બીજું નામ આપવામાં આવ્યું, લોંગ ફ્રાઈડે.

રેડિયો પર બાળકોના અવાજો આવી રહ્યા હતા

કેટલાક કાર્યો એવા હતા જેને રોકવું શક્ય નહોતું. તેથી પુરુષોએ તેમના બાળકોને કામ પર લઈ જવા પડ્યા. એક રિપોર્ટમાં જણાવવામાં આવ્યું છે કે આ દરમિયાન જ્યારે રેડિયો પર સમાચાર વાંચવામાં આવી રહ્યા હતા ત્યારે પાછળથી બાળકો રમતા હોય તેવા અવાજ પણ સંભળાતા હતા. આ દિવસને ‘મહિલા દિવસ અવકાશ’ નામ આપવામાં આવ્યું હતું.

મહિલા દિવસની રજા પછી શું થયું?

આઈસલેન્ડમાં મહિલા દિવસની રજા પછી, દેશને મહિલાઓનું મહત્વ સમજાયું. આ પછી સંસદથી શરૂ કરીને દરેક જગ્યાએ મહિલાઓને સમાન અધિકાર આપવામાં આવ્યા.