રાજકોટમાં ઢેબર રોડ પર શ્રમજીવી સોસાયટીમાં રહેતા અને રાજનગર નજીક ઓર્ચિડ હોસ્પિટલ ધરાવતા તબીબની લાશ લોધિકાના મોટા વડા નજીક આવેલી પોતાની વાડીની પાસે આવેલા ડેમમાંથી મળી આવતા મેટોડા પોલીસ દોડી ગઈ હતી અને મૃતદેહને પીએમ માટે રાજકોટ સિવિલ હોસ્પિટલમાં ખસેડી જરી કાર્યવાહી કરી તપાસ હાથ ધરી છે.
પ્રા વિગત મુજબ બહેરામૂંગા સ્કૂલ પાસે શ્રમજીવી સોસાયટીમાં મંત્રમ મકાનમાં રહેતા અને રાજનગર નાનામવા નજીક ઓર્ચિડ હોસ્પિટલ ધરાવતા બાળરોગના નિષ્ણાતં સિનિયર તબીબ જયેશભાઇ હંસરાજભાઇ ભૂત (ઉ.વ.૭૧)નો મૃતદેહ ગત સાંજે સાતેક વાગ્યે લોધીકા પાસેની મોટાવડા નજીક આવેલી તેમની વાડી પાસેના ડેમમાંથી બેભાન હાલતમાં મળી આવતા મેટોડા પોલીસને જાણ કરવામાં આવી હતી. બનાવની જાણ થતા પોલીસ સ્થળ પર પહોંચી તબીબના પરિવારને જાણ કરતા પરિવારજનો દોડી આવ્યા હતા અને પોલીસે પંચરોજકામ કરી મૃતદેહને ફોરેન્સિક પીએમ માટે સિવિલ હોસ્પિટલમાં ખસેડો હતો. તબીબને સંતાનમાં બે પુત્ર છે અને જે ઓર્ચિડ હોસ્પિટલમાં પ્રેકિટસ કરી રહ્યા છે. તબીબે આપઘાત કર્યેા કે અકસ્માતે ડેમના પાણીમાં પડી ગયા કે કેમ તે અંગે પોલીસે તપાસ હાથ ધરી છે. બનાવના પગલે પરિવાર અને તબીબ આલમમાં ગમગીની છવાઈ છે.