ઘણીવાર ઓટોમાં મુસાફરી કરતી વખતે ડ્રાઈવરને 'ભૈયા' કહીને બોલાવ્યા જ હશે. મોટાભાગના લોકો ઓટો ડ્રાઈવરને 'ભૈયા' કહીને બોલાવે છે. ત્યારે એક ઓટો ડ્રાઈવર 'ભૈયા'  શબ્દથી એટલો કંટાળ્યો કે રિક્ષામાં અનોખી નોટિસ ચોંટાડી દીધી છે. આ અજીબોગરીબ કિસ્સો સામે આવતા લોકો આશ્ચર્યચકિત થઈ ગયા છે. ઓટો ડ્રાઈવરે તેની રિક્ષામાં એક નોટિસ ચોંટાડી હતી જેમાં લખ્યું હતું કે તેને ભાઈ ન કહેવું. આ સાથે ડ્રાઈવરે તેને શું કહી શકાય તે પણ લખ્યું હતું.

સોશિયલ મીડિયા પ્લેટફોર્મ એક્સ પર એક પોસ્ટ વાયરલ થઈ રહી છે. આ પોસ્ટ એક્સ પર @nayascrackhouse નામના એકાઉન્ટથી શેર કરવામાં આવી છે. આ પોસ્ટ સાથે એક તસવીર શેર કરવામાં આવી છે, જે ઓટોની અંદરની છે. આ તસવીરમાં ઓટોની અંદર લગાવેલી નોટિસ દેખાઈ રહી છે. ઓટો ડ્રાઈવરે મુસાફરો માટે આ નોટિસ ચોંટાડી છે. જેમાં તેણે મુસાફરોને અપીલ કરી છે કે તેઓ તેને ભાઈ ન કહે. આ સાથે તેણે તેને શું કહી શકાય તે પણ લખ્યું છે.

તસવીરમાં જોઈ શકાય છે કે ઓટો ડ્રાઈવરે તેની સીટની પાછળ અંગ્રેજીમાં લખ્યું છે કે સુરક્ષિત અંતર જાળવો.. મહેરબાની કરીને મને 'ભૈયા' ન કહેશો. આ સાથે તેમણે લખ્યું છે કે તમે મને ભાઈ, દાદા, બોસ કે બ્રધર કહી શકો છો. આ પોસ્ટ સામે આવ્યા બાદ લોકો વિવિધ પ્રકારની કોમેન્ટ કરી રહ્યા છે. કેટલાક યુઝર્સે મજાકમાં લખ્યું કે લોકો ઓટો ડ્રાઈવરને ભાઈ કહીને તેની ભાવનાઓને ઠેસ પહોંચાડી રહ્યા છે.