બાંગ્લાદેશમાં લઘુમતી સમુદાયને નિશાન બનાવવામાં આવી રહ્યો છે.હિંદુઓ પર થઈ રહેલા અત્યાચારનો પડઘો બ્રિટિશ સંસદમાં સાંભળવા મળ્યો હતો. બ્રિટિશ સંસદમાં કન્ઝર્વેટિવ સાંસદ બોબ બ્લેકમેને બાંગ્લાદેશમાં હિંદુઓ વિદ્ધ ચાલી રહેલી હિંસાનો મુદ્દો ઉઠાવ્યો હતો. તેમણે કહ્યું કે બાંગ્લાદેશમાં હિન્દુ ઘરો અને મંદિરોને નિશાન બનાવવામાં આવી રહ્યા છે. ઈસ્કોન પર પ્રતિબધં લગાવવાના પ્રયાસો થઈ રહ્યા છે. ત્યાંની વચગાળાની સરકાર આ મુદ્દે કોઈ નક્કર પગલાં લઈ રહી નથી. આવી સ્થિતિમાં ધાર્મિક સ્વતંત્રતાનું રક્ષણ કરવાની જવાબદારી બ્રિટનની છે. આ સવાલ પર બ્રિટનના નાયબ વિદેશ મંત્રીએ કહ્યું કે સરકાર આ મુદ્દા પર નજર રાખી રહી છે.
કન્ઝર્વેટિવ સાંસદ બોબ બ્લેકમેને જણાવ્યું હતું કે, ઇસ્કોન મંદિરો દેશમાં ભકિતવેદાંતનો પ્રચાર કરે છે. ઇસ્કોન આ દેશનું સૌથી મોટું હિન્દુ મંદિર છે. તેમના આધ્યાત્મિક નેતાની બાંગ્લાદેશમાં ધરપકડ કરવામાં આવી રહી છે. ત્યાં હિન્દુઓ પર અત્યાચાર ગુજારવામાં આવી રહ્યો છે. ઘરો સળગાવવામાં આવી રહ્યા છે.
તેમણે આગળ કહ્યું, અમે બાંગ્લાદેશને સ્વતત્રં અને આત્મનિર્ભર બનાવ્યું છે, તેથી હવે તે અમારી જવાબદારી છે. ત્યાંની સરકારમાં જે ફેરફારો થયા છે તેને સ્વીકારી શકાય નહીં. ત્યાં ધાર્મિક લઘુમતીઓ પર અત્યાચાર થઈ રહ્યો છે. અમારા અત્યાર સુધી માત્ર એક એફસીડીઓ તરફથી લેખિત નિવેદન આવ્યું છે

બોબ બ્લેકમેનને હાઉસ ઓફ કોમન્સના નેતાનો ટેકો
હાઉસ ઓફ કોમન્સના નેતા લ્યુસી પોવેલે આ પ્રશ્નના જવાબમાં જણાવ્યું હતું કે, આ મુદ્દે બોબ બ્લેકમેનનું પગલું યોગ્ય છે. અમે દરેક જગ્યાએ ધર્મ અને આસ્થાની સ્વતંત્રતાનું સમર્થન કરીએ છીએ. જેમાં બાંગ્લાદેશનો સમાવેશ થાય છે. હત્પં વિદેશમાં આ વિશે બોલું છું. હત્પં અધિકારીઓને આ મુદો જોવા માટે કહીશ. આ મુદ્દા ઉપરાંત, અમે જોઈશું કે બાંગ્લાદેશમાં હિન્દુઓ પરના હુમલાને કેવી રીતે રોકી શકાય.