ઈરાનના મિસાઈલ હુમલા બાદ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ઈઝરાયેલને ખાસ સલાહ આપી છે. ટ્રમ્પે કહ્યું કે ઈરાનના હુમલાના જવાબમાં ઈઝરાયલે ઈરાનના ન્યૂક્લિયર બોમ્બના સ્થળોને ટાર્ગેટ કરવા જોઈએ. તેણે નોર્થ કેરોલિનામાં એક કાર્યક્રમ દરમિયાન આ વાત કહી. ઈરાનના મિસાઈલ હુમલા બાદ પશ્ચિમી દેશોના નેતાઓએ ઈઝરાયેલને સંયમ રાખવાની અપીલ કરી છે. સાથે જ ઈઝરાયેલે કહ્યું છે કે તે ઈરાનના હુમલાનો બદલો ચોક્કસપણે લેશે. પૂર્વ રાષ્ટ્રપતિ ડોનાલ્ડ ટ્રમ્પે ઉત્તર કેરોલિનામાં એક રેલીમાં બોલતા, આ અઠવાડિયે રાષ્ટ્રપતિ જો બાઈડેન દ્વારા ઈરાનના પરમાણુ કાર્યક્રમને લક્ષ્ય બનાવવાની સંભાવના વિશે પૂછવામાં આવેલા પ્રશ્નનો સંદર્ભ આપ્યો હતો.

બુધવારે બાઈડેનને પૂછવામાં આવ્યું હતું કે શું તેઓ ઈરાની પરમાણુ સ્થળો પર હુમલાનું સમર્થન કરશે અને અમેરિકી રાષ્ટ્રપતિએ પત્રકારોને કહ્યું: મારી પાસે તેનો જવાબ નથી.તે સંદર્ભમાં ટ્રમ્પે કહ્યું, તેઓએ તેમને પૂછ્યું, ઈરાન વિશે તમે શું વિચારો છો? શું તમે ઈરાન પર હુમલો કરશો? તેમણે કહ્યું, ’જ્યાં સુધી તેઓ પરમાણુ હથિયારો પર હુમલો ન કરે ત્યાં સુધી નહિ.

ટ્રમ્પે કહ્યું, મને લાગે છે કે તે ખોટા છે. શું તમારે એ જ ન કરવું જોઈએ? મારો મતલબ, આપણા માટે સૌથી મોટું જોખમ પરમાણુ શસ્ત્રો છે. ટ્રમ્પે કહ્યું, જ્યારે તેઓએ તેમને તે પ્રશ્ન પૂછ્યો, ત્યારે જવાબ એ હોવો જોઈએ કે પહેલા પરમાણુ બોમ્બના સ્થળો ઉડાવી દો અને બાકીની ચિંતા પછી કરો. ઈરાનના મિસાઈલ હુમલા બાદ એવી આશંકા હતી કે ઈઝરાયેલ કોઈ મોટો હુમલો કરી શકે છે.
આ પછી પશ્ચિમી દેશોના નેતાઓએ ઈઝરાયેલને સંયમ રાખવાની અપીલ કરી હતી. આ હુમલા બાદ જો બાઈડેને કહ્યું હતું કે અમે ઇઝરાયેલ સાથે વાત કરી રહ્યા છીએ અને ચચર્િ કરી રહ્યા છીએ કે તેમણે શું કરવું જોઈએ. બધા જી-7 સભ્યો સંમત છે કે ઇઝરાયેલને જવાબ આપવાનો અધિકાર છે.