શહેરના મવડી વિસ્તારમાં બાપ સીતારામ ચોક પાસેથી તાલુકા પોલીસે ચોરાઉ એકસેસ સાથે બેલડીને ઝડપી લીધી હતી.જયારે એલસીબી ઝોન–૨ ની ટીમે ઢેબર કોલોનીમાં રહેતા શખસને ચોરાઉ સ્કુટી સાથે ઝડપી લીધો હતો.

જાણવા મળતી વિગતો મુજબ તાલુકા પોલીસ સ્ટેશનના પીઆઇ ડી.એમ.હરીપરાની રાહબરી હેઠળ પીએસઆઇ એચ.એન. ગઢવી તથા તેમની ટીમ પેટ્રોલિંગમાં હતી દરમિયાન કોન્સ્ટેબલ મહાવીરસિંહ જાડેજા, કુલદીપસિંહ જાડેજાને મળેલી બાતમીના આધારે મવડી બાપાસીતારામ ચોક પાસે નંબર પ્લેટ વગરના એકસેસ પર જઈ રહેલા બે શંકાસ્પદ શખસોને પોલીસે અટકાવ્યા હતા. પોલીસે તેમની પાસે રહેલા આ વાહનના કાગળો માંગતા તે સંતોષકારક ઉત્તર આપી શકયા ન હતા. જેથી પોલીસે બંનેની સઘન પૂરતાછ કરતા તેમણે પોતાના નામ માર્ગીટ હસમુખભાઈ ખૂંટ(ઉ.વ ૨૮ રહે. ગોવીંદરત્ન શેરી નંબર ૪, આસ્થા રેસિડેન્સી પાછળ) અને નૈમિષ ચંદુભાઈ કાકડીયા(ઉ.વ ૨૯ રહે. રીયલ પ્રાઇમ એપાર્ટમેન્ટ, બાપાસીતારામ ચોક) હોવાનું જણાવ્યું હતું. વાહન અંગે પૂછતા ૧૦ દિવસ પૂર્વે ગોવર્ધન ચોક નજીક માધવ પાર્ક પાસે આ એકસેસની ચોરી કર્યાની કબુલાત આપી હતી. જેથી પોલીસે આ વાહન કબજે કરી બંને સામે ગુનો નોંધી જરી કાર્યવાહી કરી હતી.
યારે એલસીબી ઝોન–૨ ના પીએસઆઇ આર.એચ.ઝાલાની રાહબરી હેઠળ ટીમ પેટ્રોલિંગમાં હતી. દરમિયાન હેડ કોન્સ્ટેબલ રાહત્પલભાઈ ગોહેલ અને કોન્સ્ટેબલ જયપાલસિંહ સરવૈયા, અમીનભાઈ ભલુરને મળેલી બાતમીના આધારે ચોરાઉ સ્કૂટી સાથે દિપક બાબુભાઈ દાણીધારીયા(ઉ.વ ૨૩ રહે. ઢેબર કોલોની મફતિયાપરા)ને ઝડપી લઇ એ ડિવિઝન પોલીસના હવાલે કર્યેા હતો.