સોશિયલ મીડિયા પરની પોસ્ટ પર અભિષેકે લાઈક કરતા લોકોમાં કાનાફૂસી

ઐશ્વર્યા રાય અને અભિષેક બચ્ચનના અલગ થવાની ખબરો છેલ્લા કેટલાક સમયથી ચર્ચાઓમાં છે. હાલમાં જ આખો બચ્ચન પરિવાર અનંતના લગ્નમાં પહોંચ્યો હતો, પરંતુ ઐશ્વર્યા રાય પોતાની દીકરી આરાધ્યા સાથે અલગ જોવા મળી. દરમિયાન અભિષેક બચ્ચને એવું કંઈક કરી દીધું કે બધા જ ચોંકી ગયા છે.
એક તરફ અનંત અંબાણી અને રાધિકા મર્ચન્ટના લગ્નમાં બોલિવૂડના તમામ સ્ટાર્સે પાર્ટીની રોનક વધારી તો બીજી તરફ અભિષેક બચ્ચન અને ઐશ્વર્યા રાય બચ્ચનના અલગ થવાના સમાચારે ફરી જોર પકડ્યું છે. આ લગ્નમાં અભિષેક તેના આખા પરિવાર સાથે પહોંચ્યો હતો, તો ઐશ્વર્યા તેની દીકરી આરાધ્યા બચ્ચન સાથે એકલી જોવા મળી હતી. આ લગ્ન દરમિયાન ઐશ્વર્યા રાય બચ્ચન પરિવાર સાથે જોવા મળી ન હતી.
અમિતાભ બચ્ચન સાથે તેમની પત્ની જયા બચ્ચન, પુત્રી શ્વેતા નંદા અને પુત્ર અભિષેક બચ્ચન પણ હતા. આ દરમિયાન શ્વેતા નંદાના પતિ અને બંને બાળકો પણ આ ફેમિલી ફોટોમાં જોવા મળ્યા. જો કે, આખા પરિવારના પહોંચ્યા પછી થોડીવાર પછી ઐશ્વર્યા રાયની એન્ટ્રી થાય છે, જેની સાથે દીકરી આરાધ્યા જોવા મળી હતી.
અભિષેક બચ્ચને સોશિયલ મીડિયા પર એક પોસ્ટ લાઈક કરી છે. આ પોસ્ટ છૂટાછેડા અને તૂટેલા દિલ સાથે જોડાયેલી છે. અભિષેક બચ્ચને આ પોસ્ટ લાઈક કરી છે. હીના ખંડેલવાલ નામની લેખિકાએ આ પોસ્ટ ઇન્સ્ટાગ્રામ પર શેર કરી છે. તેમાં લખ્યું છે કે,
"હવે પરિણીત યુગલો અલગ થઈ રહ્યા છે. તેમના નિર્ણય પાછળનું કારણ શું છે અને ગ્રે ડિવોર્સ કેમ વધી રહ્યા છે? છૂટાછેડા કોઈ માટે સરળ નથી. કોણ હંમેશા ખુશ રહેવાનું સપનું નથી જોતું કે રોડ ક્રોસ કરતી વખતે હાથ પકડેલા વડીલ કપલ્સના વીડિયોને ફરી બનાવવાની કલ્પના નથી કરતા? છતાં ક્યારેય-ક્યારેક જીવન એવું નથી હોતું જેની આપણે અપેક્ષા રાખીએ છીએ. પરંતુ જ્યારે લોકો દાયકાઓ સુધી સાથે રહ્યા પછી અલગ થઈ જાય છે, તેમના જીવનનો નોંધપાત્ર ભાગ નાની અને મોટી બંને બાબતો માટે એકબીજા પર આધાર રાખીને વિતાવે છે, ત્યારે તેઓ કેવી રીતે સામનો કરે છે? તેમને સંબંધો તોડવા માટે કઈ વસ્તુ દબાણ કરે છે? તેઓ કયા પડકારોનો સામનો કરે છે? આ વાર્તા આ પ્રશ્નોનું ઊંડાણપૂર્વક ચિંતન કરે છે. 'ગ્રે ડિવોર્સ' અથવા 'સિલ્વર સ્પ્લિટર્સ' સામાન્ય રીતે 50 વર્ષની ઉંમર પછી વૈવાહિક વિસર્જન ઇચ્છતા લોકો માટેનો શબ્દ છે, જે સમગ્ર વિશ્વમાં વધી રહ્યો છે. જો કે કારણો અલગ છે, પરંતુ આશ્ચર્યજનક નથી ..."


અભિષેક બચ્ચને કરી પોસ્ટ લાઈક
લેખિકાએ અભિષેક બચ્ચનની લાઈક કરેલી પોસ્ટનો સ્ક્રીનશોટ લીધો અને તેને સ્ટોરી પર શેર કર્યો. આ પોસ્ટ વાયરલ થઈ રહી છે. લોકો આના પર કોમેન્ટ કરી રહ્યા છે, "કેવી રીતે તમે લોકો આટલું ઓબ્સર્વ કરી લો છો યાર." જો કે આ મામલે અત્યાર સુધી કપલ તરફથી કોઈ પ્રતિક્રિયા આવી નથી.