જો તંદુરસ્ત લોકો દરરોજ મલ્ટીવિટામિન્સ લેતા હોય, તો તેનો અર્થ એ નથી કે તેઓ લાંબા સમય સુધી જીવશે. લગભગ બે દાયકા સુધી અમેરિકામાં ચાર લાખ લોકો પર કરવામાં આવેલા અભ્યાસ બાદ આ વાત સામે આવી છે કે દરરોજ મલ્ટીવિટામિન્સ લેવાથી મોતનો ખતરો 4 ટકા વધી જાય છે. આમ છતાં મહિલાઓમાં તેનો ઉપયોગ વધી રહ્યો હોવાનું પણ બહાર આવ્યું હતું.
નેશનલ ઇન્સ્ટિટ્યૂટ ઑફ હેલ્થ (એનઆઈએચ ) ના અભ્યાસ મુજબ, લાંબા સમય સુધી દૈનિક મલ્ટીવિટામિન લેવાથી તંદુરસ્ત પુખ્ત વયના લોકોમાં વહેલા મૃત્યુનું જોખમ ઓછું થતું નથી. આ અભ્યાસ જામા નેટવર્ક ઓપ્નમાં પ્રકાશિત થયો છે. સંશોધકોના જણાવ્યા મુજબ, અમેરિકામાં 33 ટકા તંદુરસ્ત પુખ્ત લોકો દરરોજ મલ્ટીવિટામિન્સનો ઉપયોગ કરે છે. તેઓ માને છે કે આનાથી તેમનું સ્વાસ્થ્ય તો સુધરશે જ પરંતુ અન્ય રોગોથી પણ બચશે. આ તેમને લાંબુ અને સ્વસ્થ જીવન પ્રાપ્ત કરવામાં મદદ કરશે.
જો કે, અત્યાર સુધી કરવામાં આવેલા અભ્યાસમાં આના કોઈ પુરાવા મળ્યા નથી. મલ્ટીવિટામિન્સ એવા લોકો માટે ચોક્કસપણે ફાયદાકારક છે જેમને અમુક પ્રકારના પોષણની ઉણપ છે. આ અભ્યાસમાં મલ્ટીવિટામીનના ઉપયોગ અને ગંભીર રોગ વચ્ચેના સંબંધને સમજવાનો પ્રયાસ કરવામાં આવ્યો, ખાસ કરીને રક્તવાહિનીના રોગ અથવા કેન્સરથી થતા મૃત્યુ.