ટાઈમ મેગેઝીને એઆઈના 100 સૌથી પ્રભાવશાળી લોકોની યાદી બહાર પાડી છે. આ યાદીમાં ઘણા ભારતીયોના નામ સામેલ છે. આ યાદીમાં સૌથી નોંધપાત્ર નામ Google અને Alphabet CEO સુંદર પિચાઈ અને Microsoft CEO સત્ય નડેલા છે. અગ્રણી ભારતીય હસ્તીઓના નામોમાં અશ્વિની વૈષ્ણવ, નંદન નીલેકણી અને અભિનેતા અનિલ કપૂરનો પણ સમાવેશ થાય છે.

અશ્વિની વૈષ્ણવ વિશે ટાઈમે લખ્યું, "વૈષ્ણવના નેતૃત્વ હેઠળ, દેશ (ભારત) આગામી પાંચ વર્ષમાં સેમિકન્ડક્ટર મેન્યુફેક્ચરિંગ માટે ટોચના પાંચ દેશોમાંનો એક બનવાની ધારણા છે. આધુનિક AI સિસ્ટમ્સ માટે તે મુખ્ય ઘટક છે. બાંધકામ શરૂ થઈ ગયું છે. ભારતમાં આ માટે ઘણી ફેક્ટરીઓ પર નિર્માણ શરૂ થઈ ગયું છે.

ટાઈમે જણાવ્યું કે, વૈષ્ણવ આ મહત્વાકાંક્ષાઓને સાકાર કરવામાં નોંધપાત્ર પડકારોનો સામનો કરે છે. ભારતનું ટેક સેક્ટર ઓછા ખાનગી R&D રોકાણ અને અદ્યતન મેન્યુફેક્ચરિંગ ઇકોસિસ્ટમના અભાવથી પીડાય છે. તેની શૈક્ષણિક પ્રણાલી પણ અત્યાધુનિક AI અને સેમિકન્ડક્ટર ડેવલપમેન્ટ માટે જરૂરી નિષ્ણાત કર્મચારીઓના ઉત્પાદન માટે આગળ વધી રહી છે."

આ યાદીમાં પ્રોટોનના પ્રોડક્ટ હેડ અનંત વિજય સિંહ અને એમેઝોનના સિનિયર વાઇસ પ્રેસિડેન્ટ અને આર્ટિફિશિયલ જનરલ ઈન્ટેલિજન્સનાં ચીફ સાયન્ટિસ્ટ રોહિત પ્રસાદનો પણ સમાવેશ થાય છે.

અનિલ કપૂરનું નામ પણ સૂચિમાં સામેલ છે, કારણ કે, ટાઈમે તેમની પ્રશંસા કરતા કહ્યું કે, "સપ્ટેમ્બરમાં નવી દિલ્હી હાઈકોર્ટમાં તેમના ફોટોગ્રાફના અનધિકૃત AI ઉપયોગ સાથે સંકળાયેલા કેસમાં ઐતિહાસિક જીત મેળવી હતી. અનિલ કપૂરની જીતે અન્ય લોકો માટે પણ પોતાના વ્યક્તિત્વ અધિકારોની સુરક્ષાનો માર્ગ ખોલ્યો છે.