જમ્મુ-કાશ્મીરના પૂંચમાં એરફોર્સના કાફલા પર થયેલા હુમલા પાછળ આતંકવાદી સંગઠન લશ્કર-એ-તૈયબાનો હાથ હોવાનું કહેવાય છે. ગુપ્તચર સૂત્રોએ જણાવ્યું કે આ આતંકવાદી હુમલાનો આદેશ પીઓકેમાં બેઠેલા લશ્કરના કમાન્ડર સાજિદ ભટ્ટે આપ્યો હતો. પૂંચ જિલ્લાના એન્ટ્રી પોઈન્ટ ભીમ્બર ગલી અને જમ્મુ-પૂંચ નેશનલ હાઈવે પર કડક દેખરેખ રાખવામાં આવી છે.જમ્મુ-કાશ્મીરના પૂંચ જિલ્લામાં એરફોર્સના કાફલા પર થયેલા હુમલામાં સામેલ આતંકવાદીઓની શોધમાં સુરક્ષા દળોએ એક મોટું ઓપરેશન શરૂ કર્યું છે. સુરનકોટના શાહસિતાર વિસ્તારમાં થયેલા આ હુમલાના સ્થળની 20-25 કિલોમીટરની ત્રિજ્યામાં સેના, જમ્મુ-કાશ્મીર પોલીસ અને એસઓજીના એક હજારથી વધુ જવાનો શોધમાં લાગેલા છે. કેટલાક લોકોની પૂછપરછ માટે અટકાયત પણ કરવામાં આવી છે.આ હુમલા પાછળ લશ્કર-એ-તૈયબાનો હાથ હોવાની આશંકા છે. આતંકવાદીઓની સંખ્યા ઓછામાં ઓછી ચાર હોવાનું માનવામાં આવે છે. ગુપ્તચર સૂત્રોએ જણાવ્યું હતું કે આતંકવાદીઓના સમાન જૂથે ગયા વર્ષે 21 ડિસેમ્બરે આ જ વિસ્તારમાં ઓચિંતો હુમલો કર્યો હતો, જેમાં ચાર જવાન શહીદ થયા હતા અને ત્રણ ઘાયલ થયા હતા. એવું માનવામાં આવે છે કે પીઓકેમાં બેઠેલા લશ્કરના ઓપરેશનલ કમાન્ડર સાજિદ જટ્ટ ઉર્ફે હબીબુલ્લાહ મલિક ઉર્ફે સાજિદ લંગરાએ આ હુમલો કર્યો છે. આ હુમલામાં એક એરમેન શહીદ થયો હતો અને અન્ય ચાર ઘાયલ થયા હતા. આ ઓચિંતો હુમલો કયર્િ બાદ આતંકીઓ જંગલમાં ભાગી ગયા હતા.તેમની શોધમાં સેનાના હેલિકોપ્ટર, ડ્રોન અને અન્ય કેટલાક ખાસ ગેજેટ્સની મદદ લેવામાં આવી રહી છે. આતંકીઓએ હુમલામાં એકે એસોલ્ટ રાઈફલ્સ, અમેરિકન એમ4 કાબર્ઈિન્સ અને સ્ટીલ બુલેટનો ઉપયોગ કર્યો છે. સૈનિકોને છાતી, માથા અને ગળામાં ગોળીઓ વાગી હતી.
રાજૌરી, પૂંચ, સુરનકોટ, સુંદરબની, નૌશેરા...આ વિસ્તારો પીર પંજાલ ખીણ હેઠળ આવે છે. છેલ્લા અઢીથી ત્રણ વર્ષથી આતંકીઓએ અહીં પોતાની ગતિવિધિઓ વધારી દીધી છે. ઓક્ટોબર 2021માં અહીંના જંગલોમાં બે અલગ-અલગ આતંકવાદી હુમલામાં 9 જવાનો શહીદ થયા હતા. ગયા વર્ષે જ બે ઓચિંતા હુમલામાં 10 જવાનો શહીદ થયા હતા. નિષ્ણાતોનું કહેવું છે કે જે રીતે હુમલા થઈ રહ્યા છે તે દશર્વિે છે કે આતંકવાદીઓને સ્થાનિક લોકોની મદદ પણ મળી રહી છે.