સુપ્રીમ કોર્ટે મંગળવારે કોલકાતામાં મહિલા ડૉક્ટર પર બળાત્કાર અને હત્યા કેસની સુનાવણી કરી. સર્વોચ્ચ અદાલતે આ મામલાની સુઓ મોટુ સંજ્ઞાન લીધી હતી. હવે સુપ્રીમ કોર્ટે સુનાવણીનું લાઈવ સ્ટ્રીમિંગ રોકવાનો ઈન્કાર કરી દીધો છે. સુપ્રીમ કોર્ટનું કહેવું છે કે, આ લોકહિતનો મામલો છે અને લોકોને ખબર હોવી જોઈએ કે કોર્ટમાં શું ચાલી રહ્યું છે?

ચીફ જસ્ટિસ ડી.વાય. ચંદ્રચુડ અને જસ્ટિસ જે.બી. પારડીવાલા અને મનોજ મિશ્રાની બેન્ચે સીબીઆઈના રિપોર્ટનું અવલોકન કર્યું અને કહ્યું કે, પરિસ્થિતિ જાહેર કરવાથી વધુ તપાસ જોખમમાં મૂકાશે.

એટલા માટે સિબ્બલે લાઇવ સ્ટ્રીમિંગ બંધ કરવાની માંગ કરી હતી

સુપ્રીમ કોર્ટમાં સુનાવણી દરમિયાન પશ્ચિમ બંગાળ સરકાર તરફથી હાજર રહેલા વરિષ્ઠ વકીલ કપિલ સિબ્બલે આ કેસમાં ચાલી રહેલી કાર્યવાહીનું લાઈવ સ્ટ્રીમિંગ રોકવાની માંગ કરી હતી. તેણે આરોપ લગાવ્યો કે, ચેમ્બરની મહિલા વકીલોને એસિડ એટેક અને બળાત્કારની ધમકીઓ મળી રહી છે. સુપ્રીમ કોર્ટે સિબ્બલને ખાતરી આપી હતી કે જો વકીલો અને અન્ય લોકોને કોઈ ખતરો હશે તો તે પગલાં લેશે.

સેમિનાર હોલમાં ડોક્ટરની લાશ મળી હતી

9 ઓગસ્ટના રોજ કોલકાતાની આરજી કર મેડિકલ કોલેજ અને હોસ્પિટલના સેમિનાર હોલમાં મહિલા ડોક્ટરનો મૃતદેહ મળી આવ્યો હતો. તપાસમાં બળાત્કાર બાદ હત્યાની પુષ્ટિ થઈ હતી. બીજા દિવસે, કોલકાતા પોલીસે આ કેસના સંબંધમાં એક નાગરિક સ્વયંસેવકની ધરપકડ કરી. 13 ઓગસ્ટે કોલકાતા હાઈકોર્ટે આ કેસની તપાસ કોલકાતા પોલીસ પાસેથી સીબીઆઈને સોંપી હતી. સીબીઆઈ 14 ઓગસ્ટથી આ કેસની તપાસ કરી રહી છે.