ફિફા વર્લ્ડ કપ 2026ની ક્વોલિફાયર મેચમાં ભારત જીત નોંધાવવામાં સફળ રહ્યું નથી. આ મેચ સુનીલ છેત્રીની કારકિર્દીની છેલ્લી મેચ હતી.
ફિફા વર્લ્ડ કપ 2026 ક્વોલિફાયર મેચમાં ભારત અને કુવૈત વચ્ચેની મેચ 0-0થી ડ્રોમાં સમાપ્ત થઈ હતી. આ મેચ કોલકાતાના સાલ્ટ લેક સ્ટેડિયમમાં રમાઈ હતી અને ભારતીય કેપ્ટન સુનીલ છેત્રીની કારકિર્દીની આ છેલ્લી મેચ હતી. અંતિમ-18 સ્ટેજમાં જવા માટે ભારત માટે આ મેચ જીતવી જરૂરી હતી. ભારત હજુ આગળના તબક્કામાં જઈ શકે છે, પરંતુ તેણે અન્ય મેચો પર નિર્ભર રહેવું પડશે.
મેચ ખતમ થયા બાદ અન્ય ખેલાડીઓએ છેત્રીનું સન્માન કર્યું, પરંતુ આ દરમિયાન તે ભાવુક પણ થઈ ગયો. ભારતને પહેલા અને બીજા હાફમાં ગોલ કરવાની ઘણી તકો મળી હતી, પરંતુ ભારત એક પણ તકનો ફાયદો ઉઠાવી શક્યું ન હતું. ભારતની આગામી મેચ 11 જૂને કતાર સામે થશે.
ભારતીય કેપ્ટન નિયમિતપણે કુવૈતના ડિફેન્સને ભીડવાનો પ્રયાસ કરતો જોવા મળ્યો હતો, પરંતુ તેના તમામ પ્રયાસો છેલ્લી ઘડી સુધી નિષ્ફળ સાબિત થયા હતા. મેચ ડ્રો થવાનું એક મોટું કારણ એ હતું કે ભારતીય ટીમનું ડિફેન્સ ઘણી વખત નબળું દેખાતું હતું, જેના કારણે કુવૈત ઘણી વખત ગોલ કરવાની ખૂબ નજીક આવી હતી. આક્રમક વિભાગમાં ભારતીય ટીમ ફરી એકવાર સુનીલ છેત્રી પર નિર્ભર જોવા મળી હતી. મેચ પૂરી થયા બાદ સાલ્ટ લેક સ્ટેડિયમમાં લગભગ 58,000 લોકોએ તેને સ્ટેન્ડિંગ ઓવેશન પણ આપ્યું હતું.
ગાર્ડ ઓફ ઓનર
કુવૈત સાથેની ભારતની મેચ ડ્રો રહી હતી, પરંતુ આ પછી બધાની નજર સુનીલ છેત્રી પર ટકેલી હતી. સમગ્ર ભારતીય ટુકડીએ તેમને ગાર્ડ ઓફ ઓનર પણ આપ્યું હતું, પરંતુ આ ક્ષણે તેમને ભાવુક બનાવી દીધા હતા. સુનીલ પોતાના આંસુ પર કાબુ ન રાખી શક્યો અને પોતાની જર્સી વડે આંસુ લૂછતો જોવા મળ્યો.
કારકિર્દીમાં કર્યા 94 ગોલ
સુનીલ છેત્રીએ તેની આંતરરાષ્ટ્રીય ફૂટબોલ કારકિર્દીમાં 151 મેચ રમી હતી, જેમાં તેણે 94 ગોલ કર્યા હતા. સુનીલ એવો ખેલાડી પણ હતો જેણે અત્યાર સુધીના ઇતિહાસમાં ભારતીય ટીમ માટે સૌથી વધુ 4 હેટ્રિક ફટકારી હતી. છેત્રી આંતરરાષ્ટ્રીય ફૂટબોલમાં વિશ્વનો ચોથો સૌથી વધુ ગોલ કરનાર ખેલાડી હતો. આ યાદીમાં પોર્ટુગલનો ક્રિસ્ટિયાનો રોનાલ્ડો (128), ઈરાનના અલી દાઈ (108) અને આર્જેન્ટિનાના લિયોનેલ મેસ્સી (106) તેના ઉપર છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationદ્વારકા બરડીયા નજીક ટ્રાવેલ્સ અને બે કાર વચ્ચે અકસ્માત, 3 થી 4 લોકોના મોત થયાની આશંકા
September 28, 2024 09:01 PMઅમેરિકામાં 'હેલેન' વાવાઝોડાએ તબાહી મચાવી, એક મહિનાના જોડિયા બાળકો સહિત 44ના મોત
September 28, 2024 08:42 PMBCCIની બેઠકમાં IPL પર લેવાશે મોટો નિર્ણય, અધ્યક્ષ સહિત આ 3 પદો પર નિર્ણય!
September 28, 2024 08:38 PMરાજકોટ: મંદિરના પૂજારીને માર મારતો હોવાનો વિડીયો થયો વાયરલ, સમગ્ર ઘટના થઈ સીસીટીવીમાં કેદ
September 28, 2024 07:01 PMCopyright © 2023-2024 Aajkaal Daily
Developed by Rhythm Infotech