વિશ્વના તમામ ૧૯૯ દેશોના પાસપોર્ટને તેઓ કેટલા સ્થળોએ જઈ શકે છે તેના આધારે ક્રમ આપવામાં આવતો હોય છે.આ વખતે વૈશ્વિક સરકારી સલાહકાર કંપની, હેનલી એન્ડ પાર્ટનર્સ દ્રારા રજૂ કરાયેલ ઇન્ડેકસ અનુસાર વિશ્વનો સૌથી શકિતશાળી પાસપોર્ટ સિંગાપોરનો છે, યારે ભારતનો ક્રમ નોંધપાત્ર રીતે નીચે આવીને ૮૦મો છે, જે ૫૮ દેશોમાં અકસેસ ધરાવે છે. ૨૦૨૫ના હેનલી પાસપોર્ટ ઇન્ડેકસ અનુસાર, અલ્જેરિયા, ઇકવેટોરિયલ ગિની અને તાજિકિસ્તાન સાથે પણ શેર કરે છે. હેનલીના મતાનુસાર આ ઇન્ટરનેશનલ એર ટ્રાન્સપોર્ટ એસોસિએશનના ડેટા પર આધારિત છે.

કુલ ૨૨૭ માંથી ૧૯૩ દેશોની અકસેસ સાથે સિંગાપોરના પાસપોર્ટ પછી જાપાન અને દક્ષિણ કોરિયાના પાસપોર્ટ ૧૯૦ દેશોની અકસેસ સાથે બીજા સ્થાને છે, અને સાત દેશોના પાસપોર્ટ ત્રીજા સ્થાને છે, જેમાં ડેનમાર્ક, ફિનલેન્ડ, ફ્રાન્સ, જર્મની, આયર્લેન્ડ, ઇટાલી અને સ્પેનનો સમાવેશ થાય છે.અફઘાનિસ્તાન યાદીમાં સૌથી નીચે ૯૯મા સ્થાને છે, જેમાં ફકત ૨૫ દેશોની અકસેસ છે. દરમિયાન, ૨૭ દેશોની અકસેસ સાથે સીરિયા ૯૮મા સ્થાને છે, અને ૩૦ દેશોની અકસેસ સાથે ઇરાક ૯૭મા સ્થાને છે.
હેનલીના મતે, સિંગાપોર અને જાપાન છ દેશોના જૂથમાંથી અલગ થઈ ગયા હતા જેમણે ગયા વર્ષે અનુક્રમે સોનું અને ચાંદી મેળવવા માટે ટોચનું સ્થાન શેર કયુ હતું.જાપાન બીજા સ્થાને હોવા છતાં, કોવિડ લોકડાઉન પછી પહેલીવાર પડોશી ચીનને વિઝા–મુકત અકસેસ પાછી મેળવ્યા પછી તે હજુ પણ બાકીના દેશો કરતા આગળ છે.છેલ્લા ૧૨ મહિનામાં ફિનલેન્ડ અને દક્ષિણ કોરિયાએ એક સ્થાન ગુમાવ્યું. તેમની પાસે ૧૯૨ સ્થળોએ પ્રવેશ છે, જેમાં અગાઉથી વિઝાની જર નથી.ગયા વર્ષે બે વધુ સ્થળોએ વિઝા–મુકત પ્રવેશ ગુમાવનાર અફઘાનિસ્તાને ઇન્ડેકસના ૧૯ વર્ષના ઇતિહાસમાં સૌથી મોટો ગતિશીલતા તફાવત બનાવ્યો.

યુએઈની નોંધપાત્ર સિદ્ધી
છેલ્લા દાયકાથી ઇન્ડેકસ પર સૌથી મોટા ચઢાણ કરનારાઓમાંનું એક, યુએઈ છે જેને રેન્કિંગના ઉચ્ચ સ્તરમાં સ્થાન મેળવનાર પ્રથમ અને એકમાત્ર આરબ રાય હતું. તેણે ૨૦૧૫ થી વધારાના ૭૨ સ્થળોએ પ્રવેશ મેળવ્યો, વિશ્વભરના ૧૮૫ સ્થળોએ વિઝા–મુકત પ્રવેશ સાથે ૩૨ સ્થાન ઉપર ચઢીને ૧૦મા સ્થાને પહોંચ્યો.દરમિયાન, ઇન્ડેકસમાં સૌથી મોટો ઘટાડો વેનેઝુએલા હતો, ત્યારબાદ આશ્ચર્યજનક રીતે યુએસનો ક્રમ આવે છે. આ ૨૦૧૫ અને ૨૦૨૫ ની વચ્ચેની વાત છે.
ચીનનો હનુમાન કુદકો, ૬૦ માં સ્થાન પર પહોંચી ગયું.

ચીન છેલ્લા દાયકામાં સૌથી મોટા કલાઇમ્બર્સ પૈકીના એક તરીકે યુએઈને પાછળ રાખે છે, જે ૨૦૧૫ માં ૯૪માં સ્થાનથી ઉપર વધીને ૨૦૨૫માં ૬૦ માં સ્થાન પર પહોંચી ગયું છે. તેણે છેલ્લા એક વર્ષમાં જ ૨૯ વધુ દેશોને વિઝા–મુકત પ્રવેશ પણ આપ્યો છે.સંશોધન એ પણ દર્શાવે છે કે સૌથી વધુ શેંઝેન વિઝા અસ્વીકાર દરનો સામનો કરતા ટોચના ૧૦ દેશોમાં, છ આફ્રિકામાં છે. આમાં સૌથી ખરાબ ૬૧.૩% અસ્વીકાર દર સાથે કોમોરોસ, ત્યારબાદ ૫૧% સાથે ગિની–બિસાઉ અને ૪૭.૫% સાથે ઘાનાનો સમાવેશ થાય છે.