બગસરા એસટી ડેપોમાં સરકારની શુભ યાત્રા સ્વચ્છ યાત્રા અભિયાન માત્ર કાગળ ઉપર ચાલી રહ્યું હોય તેમ ડેપોમાં આવતી ગોબરી બસોને જોતા લાગી રહ્યું છે. છેલ્લ ા બે મહિનાથી સ્વચ્છતા અભિયાનની કોઇ અમલવારી ન થતી હોવાની વ્યાપક ફરિયાદ મુસાફરો સહિતનામાં ઉઠી છે. એવો પણ આક્ષેપ કરવામાં આવ્યો છે કે, ૩૦૦ રૂપિયાના રોજમદાર માણસો બસની સફાઇ કરવા માટે રાખ્યા છે તે કામદારોની સહી કાગળ પર લઇ બસ સફાઇ થઇ ગઇ હોવાનું દર્શાવી ભ્રષ્ટાચાર પણ આચરવામાં આવી રહ્યો છે. કેટલીક બસના ડ્રાઇવર કન્ડકટરે સફાઇ વગરની બસ લઇ જવાની પણ ચોખ્ખી ના પાડી દીધી છે તો કેટલાક કન્ડકટરે ખોટી સહીઓ કરવાની પણ સ્પષ્ટ ના કહી દેવામાં આવી છે. આ બાબતે ઉચ્ચ અધિકારીઓ દ્વારા તપાસ કરવામાં નહીં આવે તો મુખ્યમંત્રી સુધી ફરિયાદ કરવાની ચિમકી પણ જાહેર જનતાએ ઉચ્ચારી છે.