સૌરાષ્ટ્ર્ર યુનિવર્સિટીના અર્થશાક્ર ભવનના અધ્યાપક ડોકટર સંજય પંડા સામે જાતીય સતામણીની અને ચોક્કસ જ્ઞાતિના વિધાર્થીઓને વધુ માર્કસ આપવાની પાંચ વિધાર્થીનીઓના નામે કરાયેલી અરજી ખોટી હોવાનો અહેવાલ આ સંદર્ભે રચાયેલી તપાસ સમિતિ દ્રારા રજૂ કરવામાં આવેલ છે.
અર્થશાક્ર ભવનના અધ્યાપક દ્રારા આ સંદર્ભે રજૂ કરવામાં આવેલા અહેવાલમાં જણાવ્યા મુજબ લેખિત ફરિયાદ કરનાર બહેનોના નામ સિવાય તેઓના રહેઠાણ, સંપર્ક નંબર અભ્યાસનું સ્થળ જેવી કોઈ બાબતનો ઉલ્લેખ નથી અને એક જ વ્યકિતએ બધી જ સહી કરી હોય તેવું લાગે છે. ફરિયાદમાં જે બહેનોના નામ આપવામાં આવેલ છે તેવી એક પણ વિધાર્થીની વર્ષ ૨૦૧૬ પછી ભવનના રેકોર્ડ પર નોંધાયેલી નથી તેવું પણ આ રિપોર્ટમાં જણાવવામાં આવ્યું છે. ચોક્કસ જ્ઞાતિના વિધાર્થીઓને વધુ માર્કસ આપવાના મામલે એવું તારણ રજૂ કરવામાં આવ્યું છે કે પરીક્ષા મૂલ્યાંકનમાં વિધાર્થીઓની ઓળખ સ્પષ્ટ્ર ન થઈ શકે એવી વ્યવસ્થા છે અને તેથી આ આક્ષેપ પણ ખોટો હોય તેવું લાગે છે. સૌરાષ્ટ્ર્ર યુનિવર્સિટીના અર્થશાક્ર ભવનના અધ્યાપકનો આ મામલો મુખ્યમંત્રી સુધી પહોંચ્યા પછી તે ગુજરાત રાય મહિલા આયોગને સોંપવામાં આવ્યો હતો. મહિલા આયોગે યુનિવર્સિટી પાસેથી અહેવાલ માંગ્યો હતો અને તપાસ પછી આ અહેવાલ ગુજરાત રાય મહિલા આયોગને પણ મોકલવામાં આવશે. સાથોસાથ તેની એક નકલ ગુજરાત સરકારના ઉચ્ચ શિક્ષણ વિભાગને પણ મોકલવામાં આવનાર હોવાનું જાણવા મળે છે.