અમેરિકાના વોશિંગ્ટન ડીસીમાં રીગન નેશનલ એરપોર્ટ નજીક અમેરિકન એરલાઇન્સનું વિમાન હવામાં જ એક હેલિકોપ્ટર સાથે અથડાયું. આ ટક્કર બાદ  વિમાન અને હેલિકોપ્ટર બંને તૂટી ગયા અને નદીમાં પડી ગયા. આ દુર્ઘટનામાં અનેક લોકો મૃત્યુ પામ્યા છે. હાલ નદીમાંથી બે મૃતદેહ બહાર કાઢવામાં આવ્યા છે. સુરક્ષાદળો દ્વારા શોધ અને બચાવ કામગીરી કરવામાં આવી રહી છે.

Scary visuals emerge from Washington DC's Ronald Reagan airport 30 minutes ago as American Airlines flight from Kansas crash with a helicopter near Potomac river.

This is the same site where once 9/11 flight flew over to crash into Pentagon.

4 survivors being taken out pic.twitter.com/3crTHG0QAd

— Rohan Dua (@rohanduaT02) January 30, 2025

એરલાઇન કંપનીએ એક નિવેદન જારી કરીને કહ્યું કે અમને માહિતી મળી છે કે પીએસએ દ્વારા સંચાલિત અમેરિકન ઇગલ ફ્લાઇટ 5342 કેન્સાસથી વોશિંગ્ટન રીગન નેશનલ એરપોર્ટ આવી રહી હતી. તેનો અકસ્માત થયો છે. અગાઉ, યુએસ સેનેટર ટેડ ક્રુઝે કહ્યું હતું કે એરપોર્ટ પર ફ્લાઇટ કામગીરી બંધ કરી દેવામાં આવી છે. ડીસી પોલીસનું કહેવું છે કે વિમાન સાથે અથડાયેલું હેલિકોપ્ટર મેટ્રોપોલિટન પોલીસ વિભાગનું નહોતું. વોશિંગ્ટન ડીસીના સેનેટર જેરી મોરને જણાવ્યું હતું કે કેન્સાસથી આવી રહેલ વિમાન ક્રેશ થયું હોવાના સમાચાર મળ્યા છે.

રાષ્ટ્રપતિ ડોનાલ્ડ ટ્રમ્પને આ અકસ્માતની જાણ કરવામાં આવી છે. વ્હાઇટ હાઉસ દ્વારા જારી કરાયેલા એક નિવેદનમાં, રાષ્ટ્રપતિ ટ્રમ્પે કહ્યું કે તેમને રીગન નેશનલ એરપોર્ટ પર બનેલી ભયાનક ઘટના વિશે જાણ કરવામાં આવી છે. ભગવાન પીડિતોના આત્માઓને શાંતિ આપે. હું પરિસ્થિતિ પર નજર રાખી રહ્યો છું.