અઠવાડિયાના છેલ્લા કારોબારી દિવસે ઘરેલુ શેરબજાર સકારાત્મક વલણ સાથે ખુલ્યું. શરૂઆતના ટ્રેડમાં, સેન્સેક્સ 329.23 પોઈન્ટ વધીને 80,130.66 પર પહોંચ્યો, જ્યારે નિફ્ટી 118.75 પોઈન્ટ વધીને 24,365.45 પર પહોંચ્યો. જોકે, ધીમે ધીમે બજારે ફાયદો ગુમાવ્યો અને લાલ નિશાન પર પહોંચી ગયું. સવારે ૧૧ વાગ્યે સેન્સેક્સ ૧૦૦૪ પોઈન્ટના ઘટાડા સાથે ૭૮,૭૯૭ના સ્તરે અને નિફ્ટી ૩૩૮ પોઈન્ટના ઘટાડા સાથે ૨૪,૧૮૯ના સ્તરે ટ્રેડ કરી રહ્યો હતો જયારે બપોરે ૨:૩૦ વાગ્યે સેન્સેક્સ ૧,૧૯૬ પોઈન્ટના ઘટાડા સાથે ૭૮,૬૦૨ના સ્તરે અને નિફ્ટી ૩૯૯ પોઈન્ટના ઘટાડા સાથે ૨૩,૮૪૭ના સ્તરે ટ્રેડ થયો હતો.

આજના શરૂઆતના કારોબારમાં વિદેશી ભંડોળના સતત પ્રવાહ અને વૈશ્વિક બજારોમાં તેજી વચ્ચે સેન્સેક્સ અને નિફ્ટી બંનેમાં ઉછાળો જોવા મળ્યો હતો. જોકે, બંને મોટાભાગે લીડ સંભાળી શક્યા નહીં. પાછળથી એક્સિસ બેંકના કારણે તેમાં ભારે ઘટાડો નોંધાયો. સેન્સેક્સ કંપનીઓમાં, એક્સિસ બેંકનો શેર ૩.૫૦ ટકા ઘટ્યો હતો, કારણ કે દેશના ત્રીજા સૌથી મોટા ખાનગી ક્ષેત્રના ધિરાણકર્તાએ માર્ચ ક્વાર્ટરમાં નફો ઘટાડીને રૂ. ૭,૧૧૭ કરોડ નોંધાવ્યો હતો, જે એક વર્ષ અગાઉના સમાન ક્વાર્ટરમાં રૂ. ૭,૧૩૦ કરોડ હતો.

અગાઉ, શરૂઆતના વેપારમાં 30 શેરોવાળા બીએસઈ બેન્ચમાર્ક ઇન્ડેક્સ 329.23 પોઈન્ટ વધીને 80,130.66 પર પહોંચી ગયો હતો. એનએસઈ નિફ્ટી 118.75 પોઈન્ટ વધીને 24,365.45 પોઈન્ટ પર પહોંચ્યો હતો.

અદાણી પોર્ટ્સ, બજાજ ફાઇનાન્સ, બજાજ ફિનસર્વ, ટાટા મોટર્સ, ટેક મહિન્દ્રા અને એટરનલના શેર પણ ઘટ્યા હતા. જોકે, ટાટા કન્સલ્ટન્સી સર્વિસીસ, ઇન્ફોસિસ, રિલાયન્સ ઇન્ડસ્ટ્રીઝ, એચસીએલ ટેક, એચડીએફસી બેંક અને આઈસીઆઈસીઆઈ બેંકના શેર સૌથી વધુ વધ્યા હતા. એક્સચેન્જ ડેટા અનુસાર, ગુરુવારે વિદેશી સંસ્થાકીય રોકાણકારોએ 8,250.53 કરોડ રૂપિયાના શેર ખરીદ્યા હતા.

એશિયન બજારોમાં, દક્ષિણ કોરિયાનો કોસ્પી ઇન્ડેક્સ, ટોક્યોનો નિક્કી 225, શાંઘાઈ એસએસઈ કમ્પોઝિટ અને હોંગકોંગનો હેંગ સેંગ સકારાત્મક સેન્ટિમેન્ટ સાથે ટ્રેડ થઈ રહ્યા હતા. ગઈકાલે યુએસ બજારો મજબૂત વધારા સાથે બંધ થયા. નાસ્ડેક કમ્પોઝિટમાં 2.74 ટકા, એસ એન્ડ 500માં 2.03 ટકા અને ડાઉ જોન્સ ઇન્ડસ્ટ્રિયલ એવરેજમાં 1.23 ટકાનો વધારો થયો.