રવિવારે અસહ્ય ગરમીથી લોકો હેરાન-પરેશાન: આગામી દિવસોમાં હજુ વધુ ગરમી પડે તેવી શકયતા: ચોમાસુ કદાચ દશેક દિવસ બાદ વિદાય લેશે

જામનગર સહિત સમગ્ર હાલારમાં ધીરે-ધીરે તાપમાન વધતું જાય છે, 5 ડીગ્રી તાપમાનમાં વધારો થયો છે, ગઇકાલે પણ બે ડીગ્રી તાપમાન વઘ્યું છે અને સૂર્યદેવતાના કારમા પ્રકોપ વચ્ચે તાપમાન 36 ડીગ્રીએ પહોંચી જતાં લોકો અસહ્ય ગરમીથી પરેશાન થઇ ગયા હતાં. બપોરના 11 થી 5 દરમ્યાન લુ વરસી હતી, આજે સવારે આકાશમાં વાદળો છવાતા સવારની બે કલાક વાદળીયું વાતાવરણ રહ્યું હતું.

જામનગરની ગરમીમાં બે ડીગ્રી તાપમાન વઘ્યું છે, ગઇકાલે તો આખો દિવસ લોકો પરેશાન થઇ ગયા હતાં. જામનગર જિલ્લામાં સાડા ત્રણ લાખ હેકટરમાં મગફળી અને કપાસનું વાવેતર થયું છે, જેના ઉપર ખરે ટાંકણે જ વરસાદ વરસતા આગામી દિવસોમાં ખેડુતોને સારી આવક થશે.

કલેકટર કચેરીના ક્ધટ્રોલ મના જણાવ્‌યા મુજબ મહત્તમ તાપમાન  36 ડીગ્રી રહ્યું હતું, લઘુતમ તાપમાન 23.5 ડીગ્રી, હવામાં ભેજ 93 ટકા અને પવનની ગતિ 15 થી 20 કિ.મી. પ્રતિકલાક રહી હતી.

કાલાવડ, ખંભાળીયા, ધ્રોલ, જોડીયા, ભાણવડ, કલ્યાણપુર, જામજોધપુર, ભાટીયા, રાવલ, ફલ્લા, સલાયા, દ્વારકા સહિતના ગ્રામ્ય વિસ્તારોમાં પણ ઉઘાડ નિક્ળ્યો છે, જામનગર ઉપરાંત અનેક ગામડાઓમાં મેઘરાજાએ વિરામ લીધો છે જેથી ખેડુતોએ પોતાનું કામ ખેતરમાં શ કર્યુ છે, જો કે આગામી દિવસોમાં હજુ વધુ વરસાદ આવશે તેવી હવામાન ખાતાએ આગાહી પણ કરી છે.  મગફળી અને કપાસનું વાવેતર થયું છે ત્યારે ખરા સમયે કાચુ સોનુ વરસતા મગફળી અને કપાસના પાકને ખુબ જ સારો ફાયદો થશે.