અનુરાગ કશ્યપ બોબી દેઓલ અને સાન્યા મલ્હોત્રાને લીડ રોલમાં લઈ એક થ્રીલર ફિલ્મ બનાવી રહ્યો છે. હૃતિક રોશનની ગર્લફ્રેન્ડ સબા આઝાદ પણ આ ફિલ્મમાં મહત્વની ભૂમિકામાં છે. ફિલ્મનું ટાઈટલ હજુ નક્કી થયું નથી. પરંતુ, તેનું શૂટિંગ મુંબઈમાં શરુ થઈ ચૂક્યું છે.ફિલ્મની સ્ક્રિપ્ટ લખવાનું કામ 'એનએચ ૧૦', 'ઉડતા પંજાબ' ના લેખક સુદિપ શર્માને સોંપવામાં આવ્યું છે. મલયાલમ ફિલ્મોનો જાણીતો અભિનેતા જોજુ જ્યોર્જ પણ આ ફિલ્મની કાસ્ટમાં સામેલ છે. અનુરાગ કશ્યપ તેની સ્ટાઈલ પ્રમાણે કેટલીક વાસ્તવિક ઘટનાઓનો આધાર લઈ આ હાર્ડ હિટિંગ થ્રીલર બનાવી રહ્યો હોવાનું કહેવાય છે.

બોબી અને સાન્યાએ આ ફિલ્મ માટે સળંગ તારીખો ફાળવી છે. આથી આ વર્ષમાં જ ફિલ્મનું શૂટિંગ આપી વર્ષના અંત સુધીમાં તેને રીલિઝ કરી દેવાનું પ્લાનિંગ છે.બોબી દેઓલ અને સાન્યા મલ્હોત્રાએ શાહરૂખ ખાન દ્વારા નિર્મિત 'લવ હોસ્ટેલ'માં સાથે કામ કર્યું હતું. હવે ચર્ચા છે કે બંને ફરી એકવાર સાથે આવી શકે છે. અનુરાગ કશ્યપની આગામી ફિલ્મમાં બોબી દેઓલ, સબા આઝાદ અને સાન્યા મલ્હોત્રા ઉપરાંત દક્ષિણ અભિનેતા જોસેફ જ્યોર્જનું નામ પણ જોવા મળ્યું છે.

એવું કહેવામાં આવી રહ્યું છે કે આ ફિલ્મ અનુરાગ કશ્યપ અને અન્ય બે લેખકોના અપ્રકાશિત પુસ્તક પર આધારિત હોઈ શકે છે, પીપિંગ મૂનના અહેવાલ મુજબ, આ એક થ્રિલર ફિલ્મ છે જેમાં મહત્વપૂર્ણ મુદ્દાઓ આવરી લેવામાં આવશે. આ ફિલ્મનું નિર્દેશન નિખિલ દ્વિવેદી કરી શકે છે જેમણે રાવણ, શોર ઇન ધ સિટી અને તમંચે જેવી ફિલ્મો બનાવી છે. ફિલ્મમાં સાન્યા મલ્હોત્રા, જોસેફ જ્યોર્જ, સબા આઝાદ અને બોબી દેઓલ પણ જોવા મળશે. જો કે, આ પ્રોજેક્ટની હજુ સત્તાવાર જાહેરાત કરવામાં આવી નથી.
રિપોર્ટમાં એવો પણ દાવો કરવામાં આવ્યો છે કે ફિલ્મનું શૂટિંગ મે મહિનામાં શરૂ થઈ ગયું છે અને જૂન 2024 સુધીમાં પૂરું થઈ જશે. ફિલ્મની સ્ક્રિપ્ટ સુદીપ શર્મા દ્વારા લખવામાં આવી રહી છે.
બોબી દેઓલનું વર્ષ ખૂબ જ વ્યસ્ત રહ્યું છે. તે દક્ષિણ ભારતથી લઈને બોલિવૂડ સુધીના ઘણા પ્રોજેક્ટ્સમાં જોવા મળશે. આર્યન ખાનની ડેબ્યુ સિરીઝ સ્ટારડમમાં તેની મહત્વની ભૂમિકા છે, તે કુણાલ કોહલીની તપાસ ડ્રામા 'દેશી શેરલોક' જેવી ફિલ્મોમાં પણ જોવા મળશે. આ ઉપરાંત પેન્ડહાઉસ, દેવરાથી લઈને 'કંગુવા' સુધી પણ ચાહકો રાહ જોઈ રહ્યા છે.