સલાયા નગરપાલિકા દ્વારા છેલ્લા ઘણાં સમયથી વેરા બાકી હોય એ લોકોને લેખિત નોટીસો મારવામાં આવી હતી. છતાં પણ જે લોકોએ વેરા ભરેલ નથી તેઓના નળ કનેકશન કાપવામાં આવેલ છે. હાલ સલાયામાં ૬ નળ કનેકશનો કાપવામાં આવેલ હતી.
આમ કુલ અત્યાર સુધી ૧૩ નળ કનેકશનો કાપેલ છે, તેમજ હજુ આ લોકોને જણાવેલ છે કે જો ૧પ દિવસમાં વેરા ભરવામાં નહીં આવે તો નિયમ મુજબ જે તે મિલ્કત સીલ કરવામાં આવશે.
આમ નગરપાલિકા વેરા ન ભરનાર ઉપર આકરા પાણીએ કામ કરી રહી છે. અત્રે ઉલ્લેખનીય છે કે નગરપાલિકા આર્થિક સંકટમાંથી પસાર થઇ રહી છે. કર્મચારીઓના પગાર કરવા માટે પણ પૂરતું ફંડ નથી, જેથી નગરપાલિકા વેરા બાકી હોઇ એ કલેકશનમાં જ પૂરતું ઘ્યાન આપી રહેલ છે. કડક કાર્યવાહી થતાં વેરાની આવકમાં વધારો થયો છે.