જામજોધપુર નજીક શેઠ વડાળા ગામ પાસે એક એસટી બસના ચાલકે ત્રણ  ભેંસોને હડફેટમાં લઈ ઇજાગ્રત બનાવ્યાની ફરિયાદ શેઠ વડાળા પોલીસ મથકમાં નોંધાવાઈ છે.

આ બનાવની વિગત એવી છે કે જામજોધપુરના વતની અને જામજોધપુર એસટી બસ ડેપોની જી.જે.૧૮ ઝેડ ટી -૬૬૩ નંબરની એસટી બસના ચાલક રમેશભાઈ મનહરભાઈ લુદરીયાએ શેઠ વડાળા નજીક હાઈવે રોડ પર ત્રણ ભેસોને હડફેટમાં લીધી હતી, અને ત્રણેય ઇજાગ્રસ્ત બની ગઈ હતી.

આ અકસ્માતના બનાવ અંગે ઢોરના માલિક ખિમાભાઈ વાલાભાઈ ટાપરિયાએ શેઠ વડાળા પોલીસ મથકમાં ફરિયાદ નોંધાવતાં પોલીસે એસ.ટી. બસના ચાલક સામે ગુનો નોંધ્યો છે.