ગીરમાં હાઈપ્રોફાઈલ જુગાર બાદ ક્રિકેટ સટ્ટાનું નેટવર્ક પકડાયું, માસ્ટર આઇડીધારક સહિત બેની ધરપકડ

  • April 02, 2025 04:24 PM 
Aajkaal Daily (Desh Pardesh Ni Aajkaal)
ગીરસોમનાથના તલાલા નજીક સાંગોદ્રા ગામ પાસે આવેલા ગીર પ્રીમયમ રિસોર્ટમાં ચાલતા હાઇપ્રોફાઇલ જુગાર ધામ પર ગીર સોમનાથ એલસીબીએ દરોડો પાડી ૫૫ જુગારઓની ઝડપી લીધા હતાં.ત્યારે હવે સ્ટેટ મોનિટરિંગ સેલની ટીમે ગીર સોમનાથ જિલ્લાના તાલાલા સ્થિત રિસોર્ટમાંથી ક્રિકેટ સટ્ટાનું નેટવર્ક ઝડપી લઇ માસ્ટર આઇડીનાં ધારક ચિરાગ પટેલ સહીત બે શખસોની ધરપકડ કરી છે. પોલીસે સુરત, પાટણ અને મહેસાણાના 18 શખસોને વોન્ટેડ જાહેર કર્યા છે.


સ્ટેટ મોનિટરિંગ સેલના વડા નિર્લિપ્ત રાયની સુચના હેઠળ ડીવાયએસપી કે.ટી. કામરીયાના સુપરવિઝનમાં દારૂ-જુગારની બદી ડામવા એસએમસીની ટીમ પ્રયત્નશીલ હતી. દરમિયાન પીઆઈ આર.કે.કરમટાની ટીમને બાતમી મળી હતી કે, ગીર સોમનાથ જિલ્લાના તાલાલા સ્થિત ધ લાયન ક્લબ ફાર્મ એન્ડ રિસોર્ટ ખાતે ક્રિકેટ સટ્ટાનું મસમોટું રેકેટ ચાલી રહ્યું છે. જેથી એસએમસીની ટીમ તાલાળા પંથકમાં પહોંચી અહીં રિસોર્ટમાં ક્રિકેટ સટ્ટો રમાડનાર મુખ્ય આરોપી ચિરાગ ખોડાભાઈ પટેલ(રહે. ચાણસ્મા, પાટણ) અને વિશાલ કનુ પટેલ(રહે.ચાણસ્મા, પાટણ)ની ધરપકડ કરી હતી. એસએમસીએ રોકડ 46,160 તેમજ છ મોબાઈલ ફોન મળી કુલ રૂપિયા 66,810 નો મુદ્દામાલ કબજે કર્યો હતો.


પોલીસે ક્રિકેટ સટ્ટાના આ નેટવર્કમાં સંડોવાયેલમાં જેમાં આઇડી આપનાર સુનિલ નારાયણ પટેલ (રહે ચાણસ્મા), પૈસાની લેતી દેતી કરનાર યોગેશ નારાયણ પટેલ (રહે ચાણસ્મા), પરાગ (ચાણસ્મા), અવચિત, ગૌરવ, સતિષભાઈ, દિલીપભાઈ, ગનીભાઈ, ધમભાઈ (મહેસાણા), બકાજી (મહેસાણા), રાધે (કડી), અજીત (ધીણોજ), સંજય ઉર્ફે પપ્પુ (ચાણસ્મા), રમેશ (ચાણસ્મા), હરિભાઈ (પાટણ), વનરાજ (પાટણ), હિમાંશુ (સુરત) અને અનિલ સુરત એમ મળી કુલ 18 શખસોને વોન્ટેડ જાહેર કર્યા છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application