દેવભુમી દ્વારકા જિલ્લામાં વાહન અકસ્માત ખાસ કરીને ફેટલના બનાવો અટકાવવા માટે તેમજ ફેબ્રુઆરી અને માર્ચના માસ દરમ્યાન દ્વારકા જિલ્લામાં રાત્રીના સમયે તેમજ વહેલી સવારે પરોઢના સમય દરમ્યાન ધુમ્મસવાળુ વાતાવરણ રહેતુ હોય જેના કારણે અકસ્માતના બનાવો બનતા હોય, દેવભુમી દ્વારકા જિલ્લા પોલીસવડા નિતેશ પાંડેની સુચના મુજબ નાયબ પોલીસ અધિક્ષક હાર્દિક પ્રજાપતી દ્વારા તા. ૩-૨-૨૪ ના સમગ્ર જિલ્લાના તમામ પોલીસ સ્ટેશન વિસ્તારમાં આવેલ અગત્યના રોડ પરની ચેક પોસ્ટ તેમજ ટોલનાકા ખાતે અલગ અલગ ટીમો બનાવી ત્યાથી પસાર થતા વાહનો જેવા કે ટ્રક, હેવી વાહન, બસ, ટ્રેકટર, છકડો રીક્ષા વિગેરે મળી ૫૫૪ જેટલા વાહનોમાં રીફલેકટર લગાવવાની કાર્યવાહી કરવા ઝુંબેશનું આયોજન કરવામાં આવેલ હતું.