દિવાળી પર જ વડાપ્રધાનનો પદભાર સંભાળ્યો હતો અને દિવાળી પર જ વર્તમાન હોદ્દાનો ત્યાગ

ભારતીય મૂળના પ્રથમ બ્રિટિશ વડા પ્રધાન ઋષિ સુનકે સંસદમાં વિપક્ષના નેતા પદ પરથી રાજીનામું આપ્યું હતું. તેમણે બે વર્ષ પહેલાની દિવાળીને યાદ કરી જ્યારે તેઓ યુકેના પ્રથમ એશિયન વડાપ્રધાન તરીકે ચૂંટાયા હતા.આ પ્રસંગે તેમણે દિવાળીના તહેવારની કેટલીક યાદોને વાગોળતા જણાવ્યું હતું કે બે વર્ષ પહેલા પ્રકાશના તહેવાર દરમિયાન તેઓ ભારતીય મૂળના પ્રથમ વડાપ્રધાન તરીકે નિયુક્ત થયા હતા. જુલાઈમાં સામાન્ય ચૂંટણીમાં ક્ધઝર્વેટિવ પાર્ટીની હાર બાદ નવા નેતાની પસંદગી ન થાય ત્યાં સુધી સુનક (44) ક્ધઝર્વેટિવ પાર્ટીના વચગાળાના નેતા તરીકે કામ કરી રહ્યા હતા.
સુનકે કહ્યું, ’હું દિવાળી દરમિયાન મારી પાર્ટીનો નેતા બન્યો હતો અને આ તહેવાર દરમિયાન જ હું મારા પદ પરથી રાજીનામું આપી રહ્યો છું.’ તેમણે કહ્યું, ’મને પ્રથમ બ્રિટિશ એશિયાઈ વડા પ્રધાન હોવાનો ગર્વ છે, અને તે બ્રિટિશ લોકો, આપણા દેશ અને આ સંસદના મૂલ્યો વિશે ઘણું બધું કહે છે.’
ઑક્ટોબર 2022 માં દિવાળી દરમિયાન, સુનક તેની પત્ની અક્ષતા અને પુત્રીઓ કૃષ્ણા અને અનુષ્કા સાથે વડા પ્રધાનના નિવાસસ્થાન ’10 ડાઉનિંગ સ્ટ્રીટ’ પર આવ્યો હતો અને સતત બે વર્ષ સુધી તેની સીડીઓને દીવા અને રંગોળીથી સજાવી. વડા પ્રધાન કીર સ્ટારમેરે જણાવ્યું હતું કે બ્રિટિશ સંસદના તમામ વર્ગોને ગર્વ છે કે વડા પ્રધાન તરીકે સુનકે ’આપણા વૈવિધ્યસભર દેશનું પ્રતિનિધિત્વ કર્યું છે.’ તેમણે ઘણા રાજકીય મતભેદો હોવા છતાં વિપક્ષી નેતાની ’સખત મહેનત, પ્રતિબદ્ધતા અને શિષ્ટતા’ની પણ પ્રશંસા કરી. સ્ટારમેરે કહ્યું, ’હું બ્રિટન અને સમગ્ર વિશ્વમાં દિવાળીની ઉજવણી કરતા દરેકને દિવાળીની શુભેચ્છા પાઠવું છું. આ એક સાથે ઉજવણી કરવાનો અને ઉજ્જવળ ભવિષ્ય પર ધ્યાન કેન્દ્રિત કરવાનો સમય છે.