આજે ચોથા દિવસે મેળાની થશે મંગલ પૂર્ણાહુતિ: મેળા શોખીન ખુશખુશાલ
ખંભાળિયા શહેર નજીક આવેલા શક્તિનગર ગ્રામ પંચાયત સ્થિત શ્રી શિરેશ્વર મહાદેવ મંદિરના વિશાળ પટાંગણમાં યોજાયેલા શીરૂ તળાવના લોકમેળામાં ગઈકાલે રવિવારે હજારોની સંખ્યામાં મેળા શોખીન લોકો ઉમટી પડ્યા હતા. તેઓએ ગત મોડી રાત્રી સુધી લોકમેળાની મોજ માણી હતી.
ખંભાળિયામાં રખ પાંચમના મેળા તરીકે જાણીતા શિરૂ તળાવના આ લોકમેળા કે જેનો પ્રારંભ શુક્રવારથી થયો છે, તેના ત્રીજા દિવસે રવિવારે ખૂબ મોટી સંખ્યામાં જનમેદની મેળાની મોજ માણવા ઊમટી પડી હતી. ફક્ત ખંભાળિયા શહેર જ નહીં પરંતુ સમગ્ર જિલ્લા તેમજ આસપાસના વિસ્તારમાંથી ગઈકાલે રવિવાર હોવાથી સવારથી જ મેળા શોખીન લોકો મેળાની મોજ માણવા વિવિધ વાહનોમાં ઉમટી પડ્યા હતા. ગત સાંજથી આ મેળામાં જાણે પગ મુકવાની પણ જગ્યા ન હોય તેવી પરિસ્થિતિ જોવા મળી હતી.
અહીં વિવિધ પ્રકારની વિવિધ રાઇડ્સ તેમજ મનોરંજનના સાધનો અને ખાણીપીણીની મોજ માણવા લોકો મોડીરાત્રી સુધી અહીં રહ્યા હતા. આ વચ્ચે ઉલ્લેખનીય છે કે ખંભાળિયા પંથકમાં સાતમ, આઠમ કે અન્ય કોઈ લોકમેળા યોજાતા નથી. ફક્ત શક્તિનગર વિસ્તારના રખ પાંચમના શીરૂ તળાવના આ લોકમેળા જ યોજાય છે. જેમાં આ ચાર દિવસમાં લાખોની સંખ્યામાં લોકો હોંશભેર જોડાય છે. જેમાં દૂર દૂરથી આવતા વિવિધ ધંધાર્થીઓ તેમજ નાના પરિવારોને સારી એવી રોજગારી પણ મળે છે.
શક્તિનગર ગ્રામ પંચાયત દ્વારા યોજવામાં આવતા આ લોકમેળા માટે જિલ્લા પ્રશાસન તેમજ પોલીસ તંત્ર દ્વારા પણ અવિરત રીતે નજર રાખીને જરૂરી નિયમોની અમલવારી કરાવવામાં આવે છે. મીની તરણેતરના મેળા જેવી ખ્યાતિ પામેલા આ લોકમેળાની આજે સોમવારે રાત્રે પૂર્ણાહુતિ થશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationએકનાથ શિંદે સરકાર ફરી ટેન્શનમાં, મનોજ જરાંગેએ ચૂંટણી પહેલા આપ્યું અલ્ટીમેટમ
September 17, 2024 06:47 PMસળગતી ચિતા પર ચોખા રાંધ્યા, ખોપરી પણ ઉપાડી ગયા, આવી રીતે આપ્યો તંત્રવિદ્યાને અંજામ
September 17, 2024 06:37 PMભારતના સૌથી યુવા CEO લક્ઝરી કાર કેમ નથી ખરીદતા? રાધિકા ગુપ્તાએ જણાવ્યું ચોંકાવનારું કારણ
September 17, 2024 06:35 PMકોરોના વાયરસનો નવો ખતરો: 27 દેશોમાં ફેલાયો નવો વેરિયન્ટ, જાણો કેટલો ખતરનાક
September 17, 2024 06:22 PMCopyright © 2023-2024 Aajkaal Daily
Developed by Rhythm Infotech